BILANG bahagi ng pagdiriwang sa patuloy na magandang ugnayan ng Pilipinas at Korea, ang Korean Cultural Center in the Philiippines (KCC) sa pakikipagtulungan ng Film Development Council of the Philippines (FDCP) at Seoul International Architectural Film Festival (SIAFF) ay idinaos ang Korean Architectural Film Festival noong June 1 sa FDCP Cinematheque Manila.
Kauna-unahan sa Pilipinas, ang Architectural Film Festival ay layuning hindi lamang maipakita ang iba’t ibang gusali kundi maipakita rin ang nakapaloob na kultura at kakayahan ng Korea at Pilipinas.
Suportado ng FDCP sa pamamagitan ng Chairperson nitong si Liza Dino Sequerra ang nasabing kolaborasyon para mapalawig pa ang pagpapahalaga sa sining ng pelikula.
Ipinalabas sa naturang event ang isang documentary na pinamagatang City Talks.
Bukod kay FDCP chair Diño, present dito sina Direk Jeong Jae-Eun, Kim Young Woo, Kim Jeong-In, Yun Jae Seon, Direk Jose Javier Reyes, at iba pa.