Saturday , January 28 2023

Sotto in, Koko out (Sa Senado)

INIHALAL na si Senador Vicente “Tito” Sotto III bi­lang bagong Senate President o pinuno ng Senado kapalit ni Senate President Koko Pimentel.

Mismong si Pimentel ang nag-nominate kay Sotto para sa posisyon ng Senate President na papalit sa kanyang pu­wes­to.

Magugunitang bago ang palitan sa pagitan nina Sotto at Pimentel ay nabunyag na mayroong isang resolusyon na nilagdaan ng 15 senador para magkaroon ng ba­gong liderato sa Senado.

Nagpasalamat si Pimentel sa kanyang mga kapwa senador na nag­tiwala sa kanya bilang Senate President.

Si Pimentel ay nai­luklok bilang pang-28 Senate President noong Hulyo 2016, habang ang kanyang ama na si dating Senador Aquilino Pimen­tel, Jr.,  ay naluklok ding Senate President noong Nobyembre 2000 hang­gang Hunyo 2001.

Kabilang sa mga dumalo sa sesyon at hindi tumutol sa nomi­nasyon ni Sotto bilang bagong Senate President, ay sina Senators Cynthia Villar, Nancy Binay, Grace Poe, Loren Legarda, Manny Pacquiao, Gringo Honasan, Panfilo “Ping” Lacson, Richard Gordon, Juan Miguel Zubiri, Ralph Recto, JV Ejercito, Joel Villanueva,  at Francis “Chiz” Escudero.

Wala si Senador Son­ny Angara na isa sa lumagda sa resolusyon dahil nasa lamay ng kanyang yumaong amang si Senador Edgardo Angara at lumiban si Senador Win Gatchalian.

Samantala, hindi nag-nominate ang minorya sa Senado para magkaroon ng kalaban si Sotto.

Ngunit sa kabila nito ay tumayo si Senate Minority Leader Franklin Drilon upang ihayag sa sesyon na hindi nila sinasang-ayonan ang anomang palitan ng liderato ng Senado kaya’t abstain ang kanilang boto sa minorya.

Paliwanag ni Drilon, kung sila ay sasang-ayon o susuporta kay Sotto ay awtomatikong walang mi­norya kung kaya’t ipa­u­ubaya na nila ang lahat ng desisyon sa mayorya.

Kabilang sa minorya sina Senador Bam Aquino, Antonio Trillanes IV, Kiko Pangilinan, Senadora Leila De Lima at Riza Hontiveros.

Samantala, nahalal si Senador Zubiri na kapalit ni Sotto bilang Senate majority leader at pinuno ng committee on rules.

Makaraan manumpa sina Sotto at Zubiri sa kanilang bagong puwesto ay agaran silang nagpasalamat at tiniyak na tinatanggap nila ang bagong hamon.  (NIÑO ACLAN/CYNTHIA MARTIN) 

About Niño Aclan Cynthia Martin

Check Also

Arnell Ignacio OWWA

Health and wellness ng mga OWWA employee tututukan ni Admin Arnell

SHOWBIZ KONEKni Maricris Valdez Nicasio NAKABIBILIB ang concern ni Overseas Workers Welfare Administration (OWWA) Arnell Ignacio hindi …

SAF 44 National Day of Remembrance bulacan

Bulacan cops ginunita ang Fallen SAF 44 sa National Day of Remembrance

PARA sa National Day of Remembrance ng 44 na miyembro ng Special Action Force (SAF), …

Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa …

dead gun

Ika-5 suspek sa pagpatay sa 2 pulis sa Mabalacat, Pampanga, patay sa shootout

ANG ikalimang  suspek at lider ng Flores group na pumatay sa dalawang anti-drug cops ng …

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …

Leave a Reply