Monday , October 3 2022

Ex-boxing champ kalaboso sa shabu

SWAK sa kulungan ang isang dating boksingerong kampeon makaraan ma­hulihan ng ilegal na droga sa buy-bust ope­ration sa Trece Martires, Cavite, kamakalawa.

Ayon sa ulat ng pu­lisya, nakompiskahan ng mga awtoridad ng dala­wang pakete ng hinihi­na­lang shabu, at P200 buy-bust money ang dating WBC Flyweight Division champion na si Randy Mangubat.

Umamin si Mangubat na nauwi siya sa pagtu­tulak ng droga makaraan iwanan ang pagboboksing at nagkaroon ng problema sa pera at sa asawa.

Nangako ang dating kampeon na magbaba­gong-buhay kapag nata­pos ang kanyang senten­siya para sa kasong paglabag sa Com­pre­hen­sive Dangerous Drugs Act of 2002 o Republic Act No. 9165.

IRANIAN,
FIL-IRANIAN
HULI
SA SHABU

ARESTADO ng mga operatiba ng Quezon City Police District (QCPD) ang isang Iranian national at kasabwat niyang Fili­pino-Iranian makaraang ma­kompiskahan ng sha­bu sa buy-bust operation sa lungsod, kahapon ng madaling-araw.

Sa ulat kay QCPD director, C/Supt. Joselito Esquivel, Jr., kinilala ang nadakip na sina Amir Gharehgozlou, 30, Ira­nian, residente sa 1206-A Soler Residences, Sta. Mesa, Maynila, at Omid Hosseini, 37, Fil-Iranian, nakatira sa 10 Tirona St., Brgy. Milagrosa, Project 4, Quezon City.

Ayon kay QCPD Project 4 Police Station (PS-8) chief, Supt. Ophelio Dakila Concina Jr., nadakip ang dalawa dakong 12:55 am sa Delos Reyes St., Brgy. Milagrosa sa nabanggit na lungsod.

Kompiskado sa mga suspek ang siyam sachet ng hinihinalang shabu, cellular phone at marked money.

Si Gharehgozlou ay drug surrenderee sa Brgy. Milagrosa nang ipatupad ang Oplan Tokhang noong nakaraang taon. (ALMAR DANGUI­LAN)

BATANGAS, MAKATI
DRUG SUPPLIER
HULI SA P2-M SHABU

ARESTADO sa mga operatiba ng Police Regional Police IV-A ang hinihinalang drug sup­plier na kumikilos sa lalawigan ng Batangas at Metro Manila, makaraang makompiskahan ng P2 milyon halaga ng shabu, sa Lipa City kahapon ng umaga.

Sa ulat ni PRO IV-A director, C/Supt. Guil­lermo Lorenzo Eleazar, ang suspek na si Marcial Orbigoso ay inaresto ng mga operatiba ng Re­gion­al Special Operation Unit sa kanyang bahay sa Purok 6, Brgy. Pangao, Lipa City, Batangas dakong 5:00 ng umaga.

Nakuha ng mga ope­ratiba sa bahay ni Orbigo­so ang isang .45 kalibreng baril, pitong bala, 300 gramo ng shabu, na tinatayang P2 milyon ang street value, at drug paraphernalia.

Ayon kay Eleazar, si Orbigoso ay isa sa big 3 drug supplier sa Metro Manila partikular sa Guadalupe Viejo, Makati City.

Dagdag ni Eleazar, inamin ni Orbigoso na ginagamit siya ng mga tiwaling pulis sa kanilang ilegal na aktibidad. (ALMAR DANGUI­LAN)

About hataw tabloid

Check Also

Bulacan

Mahigit 4,000 na evacuees sa Bulacan bumalik na sa kanilang mga tahanan matapos ang Super TY Karding

MAY kabuuang 4,760 na indibidwal ang ligtas nang nakabalik sa kanilang mga tahanan noong Martes, …

5 rescuers na nasawi sa Bulacan bibigyan ng espesyal na pagpupugay

5 rescuers na nasawi sa Bulacan bibigyan ng espesyal na pagpupugay

 ISANG espesyal na pagpupugay para parangalan ang limang ‘bayaning tagapagligtas’ na nasawi habang nagliligtas ng …

Hinigop ng rumaragasang tubig sa kanal…
2-TAONG GULANG NA BATANG LALAKI, NAMATAY SA PAGKALUNOD

BANGKAY na nang matagpuan sa nagpuputik na palayan ang isang batang lalake matapos na mahulog …

Bulacan Police PNP

Bulacan police umiskor
MAHIGIT 765K HALAGA NG DROGA NAKUMPISKA, 15 DRUG SUSPEK NALAMBAT AT 6 NA LAW OFFENDERS NAI-HOYO

TINATAYANG aabot sa mahigit 765K halaga ng iligal na droga ang nakumpiska habang 15 drug …

Dagdag na benepisyo hiling ng pamilya ng mga nasawing rescuers sa Bulacan

Dagdag na benepisyo hiling ng pamilya ng mga nasawing rescuers sa Bulacan

NANAWAGAN ang mga kamag-anak ng ilan sa mga nasawing rescuer sa Bulacan ng dagdag na …

Leave a Reply