Sunday , September 25 2022

Ex-GF na titser pinatay, pulis nagpakamatay (Ayaw makipagbalikan)

NAGBARIL sa ulo ang isang pulis makaraan patayin ang kanyang dating girlfriend na isang guro sa Caloocan City, kamakalawa ng hapon.

Agad binawian ng buhay ang biktimang si Lyka Jane Arciaga, 27, residente sa Block 3, Kaunlaran Village, Brgy. 22, Caloocan City, sanhi ng mga tama ng bala sa kaliwang pisngi, kanang balikat, dibdib at leeg.

Habang nagpakamatay sa pamamagitan ng pagbaril sa ulo ang suspek na dati niyang boyfriend na si PO1 Danilo Roa, 29, nakatalaga sa Caloocan Police Community Precinct 1, at residente sa 6658 Jose Abad Santos Alley, Libis Espina, Brgy. 18 ng nabanggit na lungsod.

Ayon  sa ulat ni Caloocan police chief, S/Supt. Restituto Arcangel, dakong  5:30  pm,  nasa  inuupahang bahay si Arciaga nang dumating si Roa na sapilitang pumasok makaraan sirain ang pinto.

Makalipas ang ilang sandali, nakarinig ang mga kapitbahay ng sunod-sunod na putok ng baril kaya humingi ng tulong ang  concerned citizens sa pulisya.

Mabilis na nagresponde ang mga tauhan ng PCP-2 at sa unang nakalap na impormasyon sa mga residente ay hostage taking ang nagaganap kaya humingi sila ng tulong sa mga tauhan ng SRU/SWAT.

Ilang beses sinubukang kombinsihin ni Supt. Ferdinand Del Rosario ang suspek ngunit walang sumasagot kaya napilitan ang mga tauhan ng SWAT team na pasukin ang bahay ngunit tumambad sa kanila ang kapwa duguan at walang buhay na dating magkasintahan.

Narekober ng mga tauhan ng NPD-SOCO sa crime scene ang isang kalibre .9mm service firearm at anim basyo ng bala.

Ayon sa pahayag ng isang pinsan ni Arciaga, bago ang insidente ay naka-chat niya ang biktima na nagsabing natatakot siya dahil nasa kanyang apartment ang suspek na pilit na nakikipagbalikan sa kanya ngunit siya ay tumanggi.

Sinabi ng mga kaanak ni Arciaga na mula pa noong Marso ay hina-harass ng suspek ang dating kasintahan at nagtangkang pumasok sa kanyang apartment kaya inireklamo niya sa him­pilan ng pulisya.

(ROMMEL SALES)

About Rommel Sales

Check Also

Sta Maria Bulacan

Sa Sta.Maria, Bulacan…
2 PUSAKAL NA TULAK NASAKOTE

NAGWAKAS ang maliligayang araw ng dalawang hinihinalang tulak na responsable sa pagkakalat ng ilegal na …

pinuno ng pamahalaan Bulacan

Matibay at umaayon sa pagbabago <br> MGA PINUNO NG BULACAN, NAGKAISA SA PAGRESOLBA NG MGA ISYU NG LALAWIGAN

SA isang pambihirang pagkakataon, nagsama-sama ang mga pinuno ng pamahalaan sa Bulacan sa pangunguna nina …

Bong Revilla Jr

Sen Bong mamimigay ng kotse, motorsiklo, laptop, at cash sa kanyang kaarawan

SHOWBIZ KONEKni Maricris Valdez Nicasio TIYAK na marami ang matutuwa sa espesyal na regalo ni Sen …

Nueva Ecija PPO, PNP PRO3, Prison

No. 1  most wanted rapist ng Nueva Ecija, nasakote

ARESTADO sa inilatag na Manhunt Charlie Operation ng mga awtoridad ang nakatalang Rank no. 1 …

Masungi Georeserve

Peace and order sa Masungi Georeserve, ibabalik — Gen. Nartatez

TINIYAK ni Police Regional Office 4A Regional Director, P/BGen. Jose Melencion Nartatez, Jr., na agad …

Leave a Reply