HATAW! D'yaryo ng Bayan hatawtabloid.com
MATATANGGAP ng 1.5 milyong government workers sa 15 Mayo ang kanilang midyear bonus para sa taong 2018.
Katumbas ang bonus ng kanilang buong isang buwan sahod.
Kasama sa tatanggap ng bonus ang mga empleyado ng gobyerno na nakapagtrabaho na sa pamahalaan nang apat buwan pataas. Pasok din ang mga empleyado na nakakuha ng satisfactory performance rating sa kanilang appraisal period.
Aabot sa P36.2 bilyon ang pondong inilaan ng pamahalaan para sa midyear bonus ng mga empleyado, na nakapaloob sa 2018 National Budget.
