Wednesday , September 28 2022

Klaudia Koronel, wish na sumabak muli sa showbiz

IPINAGPALIT ni Klaudia Koronel ang popularidad niya sa mundo ng showbiz upang isakatuparan ang mithiin na magtapos ng kolehiyo. Isa siya sa pambatong stars ng Seiko Films ni Robbie Tan noong late 90’s. Mula sa pagiging sexy star, ipinakita ni Klaudia na ganap na siyang aktres nang nakakuha ng nominasyon as Best Supporting Actress sa Gawad Urian sa pelikula ng Regal Films. Sumabak din siya sa sitcom na Kiss Muna ng GMA-7 bilang isa sa leading leadies ni Joey de Leon at naging bahagi ng seryeng Mga Anghel na Walang Langit ng ABS CBN.

Ngayon ay may pamilya na si Klaudia at naninirahan sa Amerika. Ayon sa magandang aktres, tinalikuran niya ang kislap ng showbiz at pinagsikapang makatapos ng pag-aaral kahit na mahirap para sa kanya dahil naniniwala siya sa kahalagahan ng edukasyon.

“Noong wala na akong pang-tuition, nagtiis pa rin ako, nag-business para maipagpatuloy ‘yung pag-aaral ko. Computer Science course ko, naka-graduate ako at ‘yon ang pinakamasaya kong araw and hindi ko makalimutan sa buong buhay ko. Kahit paano, taas-noo ako humarap kahit kanino rito sa Amerika. Marami rito kahit Kano, high school graduate lang.”

Ano ang pinakana-miss mo sa buhay-showbiz? “Pinakana-miss ko sa showbiz ‘yung… dati ‘di ko nare-realize yung mga kasama kong mga sikat-like sa Channel 7, sa Bubble Gang, sina Ogie Alcasid at Michael V., sina Joey de Leon, parang normal lang na katrabaho sila, pero ngayon na-realize ko, nakaka-miss din pala na nakasama sila na mga institusyon na sila sa showbiz.

“Pinakanami-miss ko rin yung mga nakatrabaho ko sa showbiz, lalo na sa channel 7 or channel 2, ‘yun ‘yung mga good memories ko sa showbiz, mga magagaling na direktor na nakasama ko, mga manager ko na nag-alaga sa akin, mga event sa showbiz, mga mababait na reporter na tumutulong sa akin. Nami-miss ko rin siyempre ‘yung mga interview, noong na-discover nila na may talent pala ako sa comedy, sa drama, sa action, na puwede pala akong maging kontrabida, puwedeng bida. Ang nakakatuwa, pati pagkanta, kailangan subukan, hahaha! Nakita ko rin na may talent pala akong sumayaw.”

Sakaling may offer ulit, gusto ni Klaudia na magbalik-showbiz. “Kapag nagkaroon ng offer, of course game ako. May gagawin nga akong indie film dito sa US and I think ‘pag naayos na papers ko rito, babalik ako paminsan-minsan kasi talagang nami-miss ko ‘yung pag-acting. Iyon siguro talaga kung bakit napansin ko ‘yung mga nag-aartista na napunta dito sa US e, bumabalik sila riyan, kasi kung talagang iyon ‘yung original work mo, hahanap-hanapin din ng katawan mo.

“So, nami-miss ko talagang um-acting at alam kong kaya kong bumalik dahil naniniwala akong mayroon akong kakayahang umarte,” aniya.

ALAM MO NA!
ni Nonie Nicasio

About Nonie Nicasio

Check Also

Piolo Pascual Rhea Tan Iñigo Pascual

Piolo masaya sa success ng anak na si Inigo

MATABILni John Fontanilla AFTER 2 years, muling humarap ang Ultimate Leading Man at award-winning Kapamilya actor na …

Piolo Pascual Rhea Tan

Piolo sa pag-endoso ng Beautederm — nakapagpapaganda ng buhay at may kredebilidad

PABONGGAHANni Glen P. Sibonga BUO ang suporta ni Piolo Pascual sa local businesses lalo na iyong mga …

Andrea Brillantes Paul Salas

Andrea aminadong nagka-crush kay Paul Salas

MA at PAni Rommel Placente SA isang interview ni Andrea Brillantes, sinabi niya na at the …

Piolo Pascual Rhea Tan

Piolo okey lang maging single for life — Nasanay na akong mag-isa

SHOWBIZ KONEKni Maricris Valdez Nicasio MARAMI pa rin ang naghihintay kung kailan makahahanap ng partner …

Blind Item, Men

Self sex video at pictures sa mga beki may epekto sa career ni male star

ni Ed de Leon HINDI lang isang self sex video ang ginawa ng male star. Ang …

Leave a Reply