Mga kinoronahan at title holder sa Super Sireyna 2018 sa Eat Bulaga

NASA Broadway Studio kami noong Sabado kaya’t nasaksihan namin ang Grand Coronation Day ng pitong finalists sa “Super Sireyna 2018” ng Eat Bulaga.

Sa rami ng mga kasamang pamilya, kaanak, at fans ng bawat finalist ay SRO ang buong studio at dumadagundong talaga ang buong paligid sa hiwayan at palakpakan ng audience tuwing lumalabas ang pambato nilang Super Sireyna.

Narito ang tatlong kinoronahan sa grand finals second runner-up: si Queen of Opal na si Angel “Sanya Lopez” Montenegro; at first runner-up naman ang Queen of Onyx Sarah Lahbati na si Justine Mascariñas; at ang itinanghal na Super Sireyna title holder na si Queen of Amethyst Nicole “Liza Soberano” Guevarra Flores na naiuwi ang cash prize na P300,000 at house and lot na courtesy ng Lessandra.

Samantala, kahit itinanghal na Super Online favorite with 35,966 likes ay hindi napigilang mapahagulgol nang iyak sa harap ng kanyang very supportive na pamilya si Queen of Emerald na si Anne “Bea Alonzo” Patricia Lorenzo na yumakap nang mahigpit sa kanyang sister.

VONGGANG CHIKA!
ni Peter Ledesma