PATAY ang pinsan ng pinaslang na si Ozamiz City Mayor Reynaldo Parojinog sa Purok Malinawon, Brgy. Tinago, Ozamis City noong Lunes ng hapon, ayon sa ulat ng pulis nitong Martes.
Si Sandy Daroy, 36, ay pinagbabaril ng hindi kilalang riding-in-tandem sa labas ng kanyang bahay pasado 5:00 ng hapon.
Si Mayor Parojinog at kanyang kaanak ay kabilang sa 16 katao na napa-tay noong 30 Hulyo 2017 nang makipagpalitan umano ng putok ang security personnel ng kanilang pamilya sa mga pulis na sinasabing magsisilbi ng search warrants.
Sa nasabing operas-yon ay arestado si Oza-miz Vice Mayor Nova Princess Parojinog at kanyang kapatid na si Reynaldo, Jr. makaraan makompiska ang kalahating kilong shabu sa kanilang bahay.
Sinabi ni Supt. Lemuel Gonda, spokesperson ng Police Regional Office sa Northern Mindanao, iniimbestigahan nila ang posibleng motibo sa pagpatay kay Daroy.
Ang biktima ay nabatid na nagbebenta ng fashion accessories.
