DUDA ang maraming manonood kung bakit sabay-sabay na nagbitiw ang mga kasamahan sa show ng isang sikat na male TV personality na ito.
Nauna nang sinibak ang isa nitong kasama, pero katanggap-tanggap naman ang dahilan. Ang pagiging unprofessional daw nito ang ikinatsugi niya sa show.
Pero hirit ng isang viewer, ”Eh, ano naman ang dahilan kung bakit after masibak ang taong ‘yon, eh, sabay-sabay na nag-resign ang iba pa niyang mga kasamahan? Huwag mong sabihing unprofessional din sila?”
Sumusumpa tuloy ang mga manonood na tiyak na may diperensiya ang male personality, ”Hmp! Ang nakikita lang kasi ng tao, eh, ‘yung pagiging matulungin niya kuno sa mga mahihirap, pero I’m sure, may ibang dahilan.”
Da who ang male TV personality na ito na mukhang kapani-paniwalang may ‘di kaaya-ayang ugali? Itago na lang natin siya sa alyas na Billy Villa.
(Ronnie Carrasco III)
