Monday , June 24 2024

VP Robredo magtatayo ng transitional shelters para sa Marawi evacuees (Piso Para sa Laban ni Leni gagamitin)

NAKATAKDANG magpatayo ang opisina ni Vice President Leni Robredo ng isang transitionary village para sa mga pamilyang kinailangang lumikas mula sa Marawi dahil sa bakbakan sanhi ng pag-atake ng Maute terror group sa siyudad.

Pinangunahan ni Robredo ang isang groundbreaking ceremony nitong Martes sa Area 7 ng Barangay Sagonsongan sa Marawi, pagtatayuan ng Angat Buhay Village. Magkakaroon ang nasabing site ng 60 transitionary shelter units, na inaasahang makokompleto sa Hunyo ng taong ito.

Ang proyekto ay bahagi ng early recovery interventions ng Office of the Vice President sa Marawi. Ipapatupad ito sa pakikipagtulungan ng lokal na pamahalaan ng lungsod at ng Xavier University-Ateneo de Cagayan, na magbabantay sa pagpapatayo ng mga unit, gayundin sa social preparation para sa mga benepisyado.)

Popondohan ang mga mauunang transition shelters gamit ang perang nalikom sa “Piso Para sa Laban ni Leni”—isang proyektong nakakalap ng P7.4 milyon, na gagamitin sana para tulungan ang Bise Presidente na bayaran ang cash deposit para sa electoral protest sa Presidential Electoral Tribunal.

Matatandaang ti­nang­gihan ng PET ang petisyon ng grupong nagpasimula ng nasabing kampanya.

Ayon sa grupo, umabot sa 25,000 ordinaryong Filipino ang nagpaabot ng tulong sa inisiyatibang ito.

Bukod dito, marami rin grupo ang nagpaabot ng tulong sa pagpapagawa ng nasabing village, kasama na ang regional government ng Autonomous Region in Muslim Mindanao at iba pang private partners ng OVP.

HATAW News Team

About hataw tabloid

Check Also

Toll collection sa Cavitex suspendido nang 30 araw

IPINAHAYAG ni Pangulong Ferdinand Marcos, Jr., ang magandang balitang natanggap niya mula sa Philippine Reclamation …

Bamban mayor, 13 pa inasunto sa ilegal na POGO

NAHAHARAP sa isang asuntong kriminal  si Bamban, Tarlac Mayor Alice Guo kasama ang 13 iba …

Sa asuntong human trafficking  
MAYOR ALICE GUO KOMPIYANSA VS PARATANG  
Walang ebidensiya para tawaging kasabwat

HATAW News Team NANINDIGAN si Bamban Tarlac Mayor Alice Guo na wala siyang koneksiyon sa …

Two DOST Region 02 Women Earn Certification as CagVal RPGRPs 1

Two DOST Region 02 Women Earn Certification as CagVal RPGRPs

The Department of Science and Technology (DOST) Region 02 is proud to announce that two …

SM Fire Volunteers 1

BFP, DILG, and SM Prime empower communities through 1st fire volunteers assembly

In a demonstration of its commitment to community safety, the Bureau of Fire Protection (BFP) …

Leave a Reply

Your email address will not be published. Required fields are marked *