Tuesday , January 31 2023

P3.77-T 2018 nat’l budget pirmado na ni Digong (Pinakamayayaman napaboran — IBON)

NILAGDAAN ni Pangulong Rorigo Duterte bilang batas ang P3.77 trilyong national budget para sa 2018 at ang kontrobersiyal na Tax Reform for Acceleration and Inclusion (Train) bill.

“This is the administrations biggest Christmas gift to the Filipino people,” anang Pangulo.

Batay sa TRAIN, ang mga manggagawa na kumikita ng hindi hihigit sa P250,000 kada taon ay absuwelto sa pagbabayad ng buwis ngunit magpapataw ang gobyerno nang mas mataas na buwis sa krudo, kotse, tobacco, coal at mining at iba pa.

Ayon sa Ibon Foundation research group, sa pinakamahihirap ang mas mabigat na pasanin sa TRAIN at regresibo pa rin ang tax system na ito.

NILAGDAAN ni Pangulong Rodrigo Duterte ang 2018 General Appropriations Act at Tax Reform for Acceleration and Inclusion (TRAIN) law sa Malacañang Palace kahapon. (JACK BURGOS)

Anila, sa opisyal na datos: Ang pinakamayayamang 20% Filipino lamang ang kumikita ng family living wage (o halagang kailangan ng pamilyang may limang miyembro para mabuhay nang disente) pataas (sa average na P30,000 para sa lima katao), samantala kulang na kulang ang kinikita ng pinakamahihirap na 80% kompara sa kailangan para mabuhay nang disente bawat araw.

Ngunit pantay uma­no ang halaga na bubuwisin sa kanila sa mga dagdag na buwis samantala babawasan ang sisingiling buwis sa pinakamayayaman.

Anang Ibon, sa TRAIN,  gagaan ang pasanin ng pinakamayayamang antemano ay malaki ang kita. Gagaan ang pasanin ng pinakamaya­yaman sa pagbaba ng personal income tax at sa flat rate na singil sa estate at donor tax.

Dagdag nito, mada­dagdagan ang iniuuwing kita ng nasa pinakamayayamang sambahayan. May netong ganansiya sila dahil mas malaki ang nadagdagan nilang iniuuwing kita dahil sa mas mababang personal income tax kaysa mawa­wala sa kanila dahil sa dagdag na VAT, buwis sa langis, sa awto, sa mata­tamis na inomin at sa pagtaas ng presyo ng bilihin.

Dagdag pabigat, anila, sa pinakamahihirap ang higit na bayarin dahil sa dagdag na item na papatawan ng VAT, ang bagong excise tax sa langis, at ang tax sa SSB.

Halimbawa, ayon sa Bayan Muna, magmamahal nang lampas P600 ang LPG. Lalampas sa P2,000 kada buwan ang bayarin ng mga average na kumokonsumo ng koryente.

Lalampas sa P60 ang presyo ng Coke. Magmamahal ang mga delata nang mahigit P3.00.

About Rose Novenario

Check Also

Scam fraud Money

Sa takot sa asawa na malamang na-scam
GINANG NAGTANGKANG MAGPATIWAKAL

NAGTANGKANG magpatiwakal ang 32-anyos na ginang sa pamamagitan nang pagtalon sa isang footbridge dahil umano …

shabu drug arrest

Nag-aabutan ng shabu sa Vale
2 TULAK, HULI SA AKTO

BAGSAK sa kulungan ang dalawang hinihinalang drug personalities matapos maaktuhan ng mga pulis na nag-aabutan …

marijuana

Drug group member, kasabwat nabingwit sa drug bust

KULONG  na  ang dalawang tulak ng droga, kabilang ang isang miyembro ng “Zaragosa drug group” …

prison rape

Most wanted sa Vale
KELOT, HOYO SA KASONG STATUTORY RAPE

HULI ang isang 18 anyos na kelot na listed bilang most wanted sa kasong statutory …

cyber libel Computer Posas Court

Sex offenders database itinutulak ng senador

ITINUTULAK ni Senador Jinggoy Ejercito Estrada ang pagtatatag ng isang pambansang database ng mga sex …

Leave a Reply