Friday , March 29 2024

FGASPAPI panagutin (Binawian ng rehistrasyon, may operasyon)

PUWEDENG papanagutin sa batas ang Federation of Goat and Sheep Producers and Association of the Philippines (FGASPAPI).

Ito’y dahil patuloy ang kanilang operasyon kahit paso na ang rehistrasyon ng kanilang kompanya sa Securities and Exchange Commission (SEC).

Nabatid na patuloy na nagsasagawa ng seminar ang FGASPAPI sa kabila ng pasong SEC registration.

Ito umano ay malinaw na paglabag sa batas.

Batay sa record ng SEC, lumalabas na ang FGASPAPI, may SEC No. CN 200507986 ay matagal nang binawian ng company registration, mula noong Enero 2013.

Bunsod ng kabiguan ng kompanya na magsumite ng kanilang general information sheets (GIS) at financial statement (FS) para sa taong 2006 hanggang 2010, ang isa dahilan kung bakit binawi ang kanilang registration.

Ang kautusan ng SEC ay ipinalabas noong 12 Disyembre 2012.

Nabatid, noong 30 Setyembre hanggang 1 Oktubre 2016 ay nagsagawa ang FGASPAPI ng seminar na “Goat Raising and Production” para sa business owners sa La Majarica Hotel, Tarlac City.

Gayondin nitong 22-24 Nobyembre 2017, isinagawa ang National Goat and Sheep Congress sa Benguet State University La Trinidad, Benguet na may registration fee na P5,000.

Ilang dumalo sa seminar ang nagrereklamo sapagkat sila ay siningil ng P5,000 pero hindi binigyan ng resibo.

Bukod dito, pinadalo rin sa nasabing event ang matataas na opisyal kahit ‘hao-siao’ o hindi lehitimo ang kompanya at ilegal ang seminar.

Ang patuloy na operasyon ng FGASPAPI kahit walang registration mula sa SEC ay paglabag sa batas kung kaya’t posibleng mahaharap sa kaso.

Sa isang panayam, inamin ng pamunuan ng FGASPAPI, paso na ang rehistrasyon ng kanilang kompanya sa SEC.

Ipinaliwanag ni Jo Clemente, legal consultant ng kompanya, na naging abala sila sa ibang aktibidad na kanilang binigyang prayoridad.

Sa report ng Company Registration and Monitoring Department ng SEC, binawi na ang registration noong 18 Enero 2013 salig sa SEC Order na may petsang 12 Disyembre 2012 dahil sa kabiguang magsumite ng mga kaukulang impormasyon at financial statements mula noong 2006 hanggang 2010.

Gayonman, iginiit ni Clemente na ipinoproseso na nila sa ngayon ang muling pagpapatala ng kanilang korporasyon sa SEC.

Ang nasabing korporasyon ay nagpaparami at sinasabing lehitimong breeder ng mga kambing at tupa sa bansa.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *