HATAW! D'yaryo ng Bayan hatawtabloid.com
NAGKAGIRIAN ang mga pulis at mga aktibistang nagkilos-protesta sa Ermita, Maynila, nitong Linggo laban sa pagdalo ni US President Trump sa pulong ng mga world leader sa bansa.
Ayon sa ulat, nagpumilit ang mga raliyista na makalapit sa US Embassy sa UN Avenue, dahilan para magkatulakan at sigawan sila ng mga pulis.
Inagaw ng ilang militante ang mga kalasag at helmet ng mga awtoridad.
Bahagyang humapa ang tensiyon nang gamitan ng water canon ng mga bombero ang mga raliyista.
Ilang militante ang nasaktan at nasugatan sa pakikipaggirian sa mga pulis sa anti-Trump rally sa Maynila.
