Friday , March 29 2024

Rom-Com movie with JoshLia love team kasado na

GUEST kamakailan si Robin Padilla sa show ni Pinky Webb sa CNN Philippines. Parte ng interbiyuhan ay tinanong ni Pinky si Binoe sa movie na ginagawa with ex-girlfriend Sharon Cuneta at kung anong tema ng kanilang pelikula ni mega?

Sagot ng action star, romantic comedy itong sa kanila ni Sharon at tatakbo ang kuwento sa madalas na problema ng mga babae sa kalalakihan.

Nag-uumpisa na raw silang mag-shooting ng kanyang Ma’am Sharon pero hindi pa nakukunan ‘yung mga eksena nila. At kaya raw niya tinanggap ang project ay hindi niya matanggihan ang megastar, basta’t tuwing kailangan siya nito ay nandiyan raw siya dahil malalim ang pinagsamahan nila ng actress magmula nang magtambal sila sa “Maging Sino Ka Man.”

Makakasama pala ng dalawa sa kanilang Star Cinema film ang JoshLia love team nina Joshua Garcia at Julia Barretto pero hindi pa idinidetalye kung ano ang magiging papel nila sa obra ni Direk Cathy Garcia-Molina.

*****

JEROME PONCE
BAGONG SUSPEK
SA “THE GOOD SON”

Ipinakita sa throwback scenes ng “The Good Son” kung paano makipagsagutan si Lorenzo (Jerome Ponce) sa kanyang daddy na si Victor (Albert Martinez) na umabot pa sa puntong sinabihan niya si Victor na mamatay na sana.

At dahil nakita at may ebidensiya sa nasabing komprontasyon, si Lorenzo ngayon ang bagong suspek na lumason o pumatay sa sariling Ama?

Kaya nang malaman ito ng kapatid sa labas na si Joseph (Joshua Garcia) ay agad si-yang kinompronta at sinabihang, “Anong pakiramdam ng napagbibintangan? Mahirap ‘di ba, ano? Mahirap ‘di ba lalo na kapag wala kang ginagawa.”

Ganyan kasi ng sinapit ng binata sa kulungan na pinagdusahan ang salang hindi naman niya totoong ginawa. Pero Kahit tameme ay ayaw pa ring patalo nitong si Lorenzo sa kapatid. Matagal nang namayapa si Victor Buenavidez pero hanggang ngayon ay hindi pa rin matukoy at mahuli kung sino ang tunay na salarin?

Pakatutukan sa coming episodes kung sinong karakter ang susunod na pagdududahan sa TGS? May kilig ding hatid sa toprating family drama series ang tambalan nina Joshua at Loisa Andalio, Mccoy de Leon at Elisse Joson at ng NLEX love-team nina Nash Aguas at Alexa Ilacad.
Umeere weeknights ang The Good Son, after La Luna Sangre sa ABS-CBN2.

PAGMAMAHALAN NINA RITZ
AT PAULO NAGBUNGA
SA “THE PROMISE OF FOREVER”

Oras na para harapin ni Sophia (Ritz Azul) ang bagong yugto ng kanyang buhay sa rebelasyong siya ay nagdadalang-tao, ngunit kaa-kibat nito ang matinding lungkot sa pag-aakalang patay na si Nicolas (Paulo Avelino) sa “The Pro-mise of Forever.”

Muling nagkrus ang landas nina Nicolas at Sophia para maghiwalay muli, matapos magdesisyon ang “immortal man” na tumalon sa isang bangin upang talikuran na ang nakaraan at hindi na idamay pa ang babaeng minamahal sa gulo ng kanyang buhay.

Ngunit sa kabila ng dalamhating nadarama, madidiskubre ni Sophia na nagbunga ang pagmamahalan nila ni Nicolas, dahilan naman para ikagalit ng kanyang mga magulang at magdesis-yon siyang umalis sa kanilang tahanan. Sabay sa pagkakahiwalay nila ng landas, hindi titigil si Marlon (Tonton Gutierrez) na hanapin si Nicolas upang makapaghiganti at tuluyan nang magawa ang miracle drug na magpapayaman sa kanilang angkan.

Sapat nga ba ang pag-ibig upang muling magtagpo ang mga landas nina Sophia at Nicolas? Huwag palampasin ang kuwento ng pangako nang walang hanggang pag-ibig sa “The Promise of Forever” sa ABS-CBN at sa ABS-CBN HD (SkyCable ch 167).

Para sa karagdagang impormasyon, sundan lang ang @DreamscapePH sa Instagram at Twitter at facebook.com/dreamscapeph sa Facebook.

VONGGANG CHIKA!
ni Peter Leddesma

About Peter Ledesma

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *