Friday , March 29 2024

Revo gov’t tugon ni Digong sa destab (Mass arrest vs detractors)

NAGBABALA si Pangulong Rodrigo Duterte na isasadlak sa kulungan ang lahat ng kalaban ng pamahalaan kapag nagpasya siyang magdeklara ng revolutionary government.

Sa panayam kay Duterte sa PTV4 kagabi, sinabi ng Pangulo na kapag umigting ang mga hakbang ng destabilisasyon laban sa kanyang administrasyon, hindi siya magdadalawang-isip na magtayo ng revolutionary government.

Uunahin ng Pangulo na hakutin sa bilangguan ang mga opisyal at kasapi ng oposisyon at ng National Democratic Front of the Philippines (NDFP).

“Full-scale war” ang iwawasiwas ng gobyerno laban sa kilusang komunista, giit ng Pangulo.

Para kay Chief Presidential Legal Counsel Salvador Panelo, “constitutional” ang pagdedeklara ng Pangulo ng revolutionary government upang masupil ang lahat ng uri ng pagsira sa bansa.

“Kung mayroong mga tangkang sirain ang bansa natin, ang Republika ng Filipinas, it becomes his constitutional duty na pigilin ito. At kung ang pagpigil ay sa pamamagitan ng pagdedeklara ng revolutionary government upang masupil mo ang lahat na uri ng pagsira sa ating bayan, then that is constitutional,” ani Panelo.

Gaya nang ginawa ni dating Pangulong Corazon Aquino noong 1986 matapos iluklok ng EDSA 1, alinsunod sa itinayo niyang revolutionary government, bubuwagin din ni Duterte ang Kongreso.

“Kapag nagdeklara ka kasi ng revolutionary government, ibig sabihin, iyong kapangyarihan ng isang Presidente ay hindi na lamang executive kung hindi pati legislative – combined powers na iyon,” ani Panelo.

Bukod sa leftist groups, inakusahan din ni Duterte ang Central Intelligence Agency (CIA) ng Amerika na nagpopondo ng media organizations at civil society groups para ibagsak ang kanyang gobyerno.

Isa sa tinukoy ng Pangulo ang online news site na rappler.com at Human Rights Watch na pinopondohan ng sinasabing CIA agent na si American-Hungarian billionaire George Soros.

ni ROSE NOVENARIO



About Rose Novenario

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *