Postal Bank magiging OFW Bank

INAPROBAHAN ni Pangulong Rodrigo “Digong” Duterte ang pagbili ng Land Bank of the Philippines sa Philippine Postal Savings Bank para maging Overseas Filipino Bank (OFB).

Sa bisa ng Executive Order No. 44 na nilagdaan ni Pangulong Duterte, nakasaad na ang pagbili ng Land Bank sa PPSB ay daraan sa kaukulang prosesong itinakda ng Bangko Sentral ng Pilipinas, Securities and Exchange Commission, Philippine Deposit Insurance Corporation, at ng Philippine Competition Commission.

“Relative thereto, the PPSB shall cause the expeditious transfer of all assets, liabilities, records, systems, and other appurtenant items to LBP,” ayon sa EO.

Inatasan ni Duterte ang Land Bank na maglagak ng kaukulang puhunan sa OFB para mapatatag ang capital base ng banko para sa mga migranteng obrero upang makamit ang layuning mag-lingkod sa financial and banking needs nila.

(ROSE NOVENARIO)