Friday , March 29 2024

Marketing at distribution, dapat pagtuunan ng pansin sa indie — Direk Jason Paul

PUMATOK sa takilya ang 100 Tula Para Kay Stella na tinampukan nina Bela Padilla at JC Santos. Ang bagong obra ni Direk Jason Paul Laxamana ang top grosser sa PPP. Base sa kanyang Twitter post, sa loob ng 6 days (Aug. 16 to 21), ang kanilang pelikula ay kumita na ng 80 milyon pesos. Sa pagtatapos ng PPP kahapon, tiyak na mas lumobo pa ang kita nito.

Ito rin ang nagwagi ng Audience Choice Award.

Ano ang reaksiyon ni Direk Jason Paul sa pagpatok ng kanyang pelikula? “Masaya po siyempre, kasi ibig sabihin niyon ay maraming tumatangkilik ng aming pelikula. Iyon naman po talaga ang goal natin bilang filmmaker — ang panoorin ang gawa natin.

“Masaya ako na maraming naka-appreciate kasi personal po itong film na ito sa akin dahil nga loosely based ito sa college life ko.”

Ayon pa sa kanya, hindi nila expected ito. “Hindi po namin in-expect, maging ang Viva. Kasi nga po hindi siya yung RomCom na nakasanayan ng marami (mas dark at melancholic po yung atake). Plus, hindi rin love team sina JC at Bela, at pareho po silang hindi pa kilala as box office star talaga.”

Sa palagay mo Direk, ang PPP na kaya ang first step para mas ma-introduce talaga sa audience ang indie at mas ma-appreciate ito ng marami? Kasi, nationwide ito, plus, para mabigyan ng venue ang mga matitinong pelikula na hindi halos maipalabas sa regular run?

Esplika niya, “Opo, maganda ang hangarin ng PPP. Two-way po para sa akin. matutuhan ng audience ang tungkol sa indie films at matutuhan ng filmmakers kung ano ang pulso ng mga nakararaming manonood.”

Sa nangyayari ngayon na may Cinelokal, Cinemalaya, at PPP, good signs kaya ito para magbalik ang sinasabing Golden era ng Philippine cinema? “Maganda po yung maraming festivals, pero mas promising sa akin yung idea na mas marami nang filmmakers/producers ang nag-aaral ng distribution at marketing. Yun po kasi ang kulang sa indie films. Kahit gaano karaming films ang gawin natin, kung hindi nadi-distribute at nama-market nang maayos, wala ring tatangkilik,” aniya pa.

ALAM MO NA! – Nonie v. Nicasio

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *