Friday , March 29 2024

3 killer cops tinukoy na (Sa Kian slay)

KATARUNGAN para kay Kian Loyd Delos Santos. Ito ang isinisigaw ng grupo ng mga kabataan at Anakbayan sa press conference sa Sta. Cruz, Maynila, kaugnay sa pagkamatay ng 17-anyos binatilyo sa Oplan Tokhang sa Caloocan City. Kasabay nito, nanawagan sila kay Pa-ngulong Rodrigo Duterte na itigil ang pagpatay sa mahihirap na sangkot sa ilegal na droga. (BONG SON)

NASA hot water ang tatlong pulis ng Caloocan City kaugnay sa pagpatay sa 17-anyos binatilyo sa isinagawang anti-illegal drug operation nitong nakaraang linggo.

Sina PO3 Arnel Oares, PO1 Jeremias Pereda at PO1 Jerwin Cruz, ay kasalukuyang iniimbes-tigahan kaugnay sa police operation na nagresulta sa pagkamatay ni Kian Loyd Delos Santos, isang Grade 11 student, na nagresulta sa pagsiklab ng galit ng publiko.

Ayon sa pulisya, binaril ni Delos Santos ang mga pulis kaya gumanti ng putok ang mga awtoridad, na nagresulta sa kanyang pagkamatay.

Ngunit nagkaroon ng pagdududa nang makita ang insidente sa CCTV footage at sa inihayag ng testigo.

Nakita sa surveillance footage ang dalawang pulis habang bitbit si Delos Santos patungo sa lugar na pinangyarihan nang pagpatay sa kanya.

Habang ayon sa isang testigo, binugbog ng mga pulis ang biktima, sapilitang binigyan ng baril, at inutusang tumakbo si Delos Santos.

Magugunitang sinabi ni PNP chief Ronald “Bato” Dela Rosa, na ayon sa “raw intelligence information” si Delos Santos ay drug courier ng kanyang ama at tiyuhin, alegasyong itinanggi ng pamilya ng binatilyo.

Ang tatlong pulis ay sinibak na sa kanilang puwesto at pansamantalang itinalaga sa Regional Police Holding and Accounting Unit, ayon kay Metro Manila police chief, Director Oscar Albayalde.

Si Caloocan City police chief, Senior Supt. Chito Bersaluna ay sinibak din sa kanyang puwesto upang bigyan-daan ang imbestigasyon sa insidente.

Habang sinabi ni Pangulong Rodrigo Duterte nitong Lunes, ang tatlong pulis na sangkot sa pagpatay kay Delos Santos ay dapat makulong kapag napatunayang guilty sa “rubout.”

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *