Friday , March 29 2024

SEAG Gilas, babawi para sa mga kuyang dumapa sa FIBA Asia

“IBABAWI namin ang mga kuya namin.”

Iyan ang emosyonal na kataga ng Gilas Pilipinas na patungong Southeast Asian Games sa Kuala Lumpur, Malaysia para ialay ang sariling laban sa mga nagaping kapa-tid sa FIBA Asia Cup sa Beirut, Lebanon sa ginanap na send-off kahapon sa Shangrila Hotel sa Mandaluyong City na inihanda ng Gilas patron — ang Chooks-to-Go.

Ang sana’y masayang thanksgiving at send-off party na dinaluhan ng lahat ng miyembro ng Gilas sa panguguna ni Coach Jong Uichio gayondin ang Bounty Agro-Ventures Inc., President na si Ronald Masca-riñas at PBA Commissioner Chito Narvasa kasama ang ilang PBA Governors ay naging mas sinsero bunsod ng kabiguan ng isang koponan ng Filipinas kamakalawa ng gabi.

Nakatakdang umalis patungong Malaysia ang Gilas ngayong umaga para sa misyon na ika-18 gold sa kada dalawang taong patimpalak sa rehiyon ng Asya na tatakbo mula 19-30 Agosto 2017.

At higit sa lahat upang maipaghiganti ang pagkatalo ng mga nakatatandang kapatid sa FIBA Asia Cup, bagay na gumulantang sa kanila at sa buong sambayanan.

Nakalasap ng mapait na 118-86 kabiguan ang Gilas Pilipinas sa kamay ng karibal na Korea sa knockout quarterfinals at tuluyan na ngang pagkakatanggal sa torneo. Magkakasya na lamang ang mga Pinoy sa ikalima hanggang ikawalong puwesto.

“‘Yung experience na ‘to (SEA Games), kailangan lang namin maisapuso. Kailangan namin ibawi ‘yung mga kuya namin. They swept the 1st round and got eliminated in the QF. That should be our motivation,” anang kapitan ng Gilas na si Kiefer Ravena.

“Their efforts (Gilas sa FIBA Asia) should not be oversha-dowed by that loss to Korea. The target on our backs get bigger. Isang beses pa lang tayo natalo rito.

And we’re eyeing for our 18th gold,” dagdag ni Ravena.

Para kay Ravena, sasapulin niya ang kanyang ika-apat na SEAG gold habang sa Filipinas naman ay ika-18 ginto sa SEAG – pinakamarami sa buong rehiyon. Isang beses pa lang natatalo ang Filipinas at ito ay noong 1989 kontra sa Malaysia.

Wagi rin ang Gilas noong 2015 sa Myanmar at dedepensahan ito ngayon na magsisimula sa sagupaan sa kontender na Thailand sa darating na linggo.

“We’re not guaranteeing anything, but we guarantee you we will do our best to bring pride to the Philippines. We’ll try our very best to bring home the gold,” pagtatapos ni Uchico.

(JBU)

About John Bryan Ulanday

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *