Thursday , February 2 2023
gun shot

Call center agent patay sa karnaper

PATAY ang isang call center agent nang barilin ng isa sa dalawang lalaking nagtangkang umagaw sa kanyang motorsiklo sa Caloocan City, kahapon ng madaling-araw.

Hindi umabot nang buhay sa Caloocan City Medical Center ang biktimang si Jayvee Dungon, 21, residente sa 201 6th Avenue, Brgy. 89, ng nasabing lungsod, sanhi ng mga tama ng bala sa dibdib at braso.

Habang patuloy ang manhunt operation ng pulisya laban sa hindi nakikilalang mga suspek, na ang isa ay nakaiwan ng cellphone sa pinangyarihan ng insidente.

Batay sa ulat nina PO3 Noel Bollosa at PO2 Rodolfo King Bautista, dakong 1:30 am, binabagtas ni Dungon ang M.H. Del Pilar St., Brgy. 106 lulan ng kanyang motorsiklo na Isuzu Raider 150 (7141-NH), nang habulin siya ng mga suspek na magkaangkas sa motorsiklo.

Hinarang ng mga suspek ang biktima, bumaba ang nakaangkas at inagaw ang motorsiklo ng call center agent. Pumalag ang biktima kaya pinagbabaril ng isa sa mga suspek at pagkaraan ay tumakas lulan ng kanilang motorsiklo.

Narekober sa pinangyarihan ng insidente ang motorsiklo ng biktima na hindi natangay at ang dalawang cellphone na ang isa pag-aari ng isa sa mga suspek. (ROMMEL SALES)

About Rommel Sales

Check Also

Naty Castro

Bansag na ‘terorista’ ng ATC kay Doc Naty pinalagan

KINONDENA ni House Deputy Minority leader Rep. France Castro ng ACT Teachers party-list ang pagbabansag …

Rex Gatchalian DSWD

Rex Gatchalian bagong DSWD secretary

ITINALAGA ni Pangulong Ferdinand R. Marcos, Jr., si  Valenzuela City Rep. Rex Gatchalian (1st district) …

money thief

2 Australiana, ninakawan ng Nigerian sa QC condo

TINANGAY ng isang Nigerian ang US$39,000 ng dalawang Australiana na kaniyang katransaksiyon sa negosyo sa …

Luisa Silvestre bagong konsehal ng Marilao, Bulacan

Luisa Silvestre bagong konsehal ng Marilao, Bulacan

PINANGUNAHAN ni Gob. Daniel Fernando ang panunumpa sa tungkulin ng bagong konsehal ng pamahalaang bayan …

Bulacan Police PNP

8 tulak, 5 wanted inihoyo ng pulisya

MAGKAKASUNOD na naaresto ang walong hinihinalang mga notoryus na tulak ng ilegal na droga at …

Leave a Reply