Saturday , November 27 2021

2 hired killer, 2 holdaper patay sa QCPD

APAT katao, kinabibilangan ng dalawang holdapar, at dalawang hinihinalang hired killer, ang napatay makaraan makipagbarilan sa mga operatiba ng Quezon City Police District (QCPD) – District Special Operation Unit (DSOU) sa magkahiwalay na insidente sa nasabing lungsod, kahapon ng madaling-araw.

Sa ulat kay QCPD District Director Chief Supt. Guillermo Lorenzo T. Eleazar, patuloy pang inaalam ang pagkakakilanlan ng napatay na mga suspek.

Ang unang insidente ay naganap dakong 1:30 am sa Holy Spirit Drive, Brgy. Holy Spirit, Quezon City. Napatay ang dalawang suspek na lulan ng isang motorsiklo nang makipagbarilan sa mga operatiba ng DSOU makaraan holdapin ang biktimang si Ernesto Plaza.

Ayon sa ulat, hinihintay ni Plaza ang kanyang kaibigan malapit sa BPI sa Holy Spirit Drive nang holdapin siya ng mga suspek.

Nagkataon na may nagpapatrolyang pulis ng DSOU sa lugar at namataan ang insidente.

Nang lapitan ng mga pulis ang dalawang suspek, pinaputukan sila dahilan para gumanti na nagresulta sa pagkamatay ng dalawang holdaper.

Samantala, dakong 4:00 am nang maka-enkuwentro ng mga operatiba ng DSOU ang dalawang hinihinalang hired killer sa San Miguel St., Brgy. Payatas, ng naturang lungsod.

Nagsasagawa ng surveillance ang DSOU sa lugar laban sa isang wanted na may pending warrant of arrest, nang makarinig sila ng putok ng baril sa ‘di kalayuan.

Agad tinunton ng mga pulis ang pinanggalingan ng putok at pagkaraan, namataan ang dalawang suspek na lulan ng motorsiklo.

Nang papalapit ang mga pulis, pinaputukan sila ng mga suspek dahilan para gumanti ang tropa ng DSOU, nagresulta sa pagkamatay ng dalawa.

Narekober mula sa suspek ang dalawang kalibre .45, isang plastic sachet ng shabu, isang papel na “target list” na may nakasulat na siyamna pangalan. (ALMAR DANGUILAN)

About Almar Danguilan

Check Also

Jeffrey Hidalgo Angeli Khang

Jeffrey Hidalgo sumabak na rin sa pagdidirehe ng bold

FACT SHEETni Reggee Bonoan SPEECHLESS kami sa trailer ng bagong erotic drama movie ng Viva …

P251-K bato kompiskado HVT sa Pasig arestado

NASAKOTE ng mga awtoridad ang 33-anyos lalaki, pangsiyam sa high value targets (HVT), sa ikinasang …

Sa Bulacan
24 LAW OFFENDERS DERETSO SA HOYO

ARESTADO ang 24 katao, pawang lumabag sa batas, sa iba’t ibang operasyon na inilatag ng …

Alitangya sumalakay sa Pampanga

NAITALA sa ilang lugar sa lalawigan ng Pampanga ang pananalasa ng rice black bug o …

PCSO STL PNP NBI

Ayuda sa NBI, PNP
P52.2-M PCSO STL SALES INILAAN SA HEALTHCARE

NANAWAGAN ang Philippine Charity Sweepstakes Office (PCSO) sa Philippine National Police (PNP) at National Bureau …

Leave a Reply