Monday , November 29 2021

Ampaw si Conor McGregor (Kalaban ni Mayweather)

 

MAAARING nagpakita ng matinding kompiyansa ang challenger na si Conor McGregor sa batuhan ng insulto kay retiradong kam-peong si Floyd Mayweather, Jr., ngunit ayon sa mga nakakikilala sa Irish UFC champion, ito lang ang maaasahan sa sikat na mixed martial arts fighter dahil kulang sa aksiyon at ampaw sa sagupaan.

Ayon kina dating world boxing champion Jessie Vargas at Brandon Rios, nabalitaan nilang napatumba si McGregor sa mga sparring match at ang bantog na ‘boxing skills’ nito ay hindi angkop para isagupa sa tulad ni Mayweather.

“He may stand no chance of defeating Mayweather in the ring, no matter how much he rattles him outside of it,” punto nina Vargas at Rios.

“The boxing world is small and (we have) heard McGregor was struggling during his sparring sessions before the high-profile bout,” dagdag ng dalawa.

Habang nakatakdang sumungkit ang tubong-Dublin na UFC lightweight champion ng nakalululang US$100 milyong premyo sa pagharap sa American pound-for-pound king, maaaring asahan na lang ng mga manonood bilang “the best” ng labanan ang theatrics at bravado sa lead-up ng match-up kaysa tunay na bakbakan sa ibabaw ng ring.

“It’s a tough (impossible?) feat for anybody to change sports in this manner and the Irishman may have bitten off more than he can chew in taking on the undefeated Mayweather,” tukoy ni Vargas.

Gaya ng ipinaliwanag ng Forbes.com, umaabot sa 14 ounces (mahigit 396 gramo) ang standard sparring glove sa boxing habang ang isusuot ni Mayweather para sa kanilang laban ni McGregor ay titimbang lang ng 10-ounces (mahigit 283 gramo).

(TRACY CABRERA)

About Tracy Cabrera

Check Also

Jonas Sultan, Carlos Caraballo

Sultan tinibag si Caraballo via unanimous decision

HINDI kinatakutan ni Pinoy boxer at dating world title challenger Jonas Sultan ang karta ni …

Logan Paul, Mike Tyson

Tyson vs Paul sa Pebrero 2022

KINUMPIRMA ni dating undisputed heavyweight champion Mike Tyson na babalik siya sa boxing ring sa …

Dwight Ramos, Toyama Grouses

Aomori tinambakan ng Toyoma, 105-71

PINAGPAHINGA na lang si Dwight Ramos ng Toyama Grouses nang tambakan nila ang Aomori Wat’s sa iskor …

Floyd Mayweather, Michael Jordan, David Beckham

Jordan mas mayaman pa kina Mayweather at Beckham

TINATAYANG sina Floyd “Money” Mayweather at David Beckham ang pinakamayamang atleta  sa lahat ng panahon, …

PSC, PSI, NSCCC

300 coaches nakinabang sa PSC’s sport-specific lectures

NAKATANGGAP ang 300 partisipante  ng online sports specific lectures sa athletics, badminton, at volleyball sa …

Leave a Reply