Sunday , May 19 2024

Ex-PBA cager Paul Alvarez, 2 pa tiklo sa pot session

INARESTO ang dating PBA player na si Paul “Bong” Alvarez sa kasong slight physical injuries ngunit naaktohan gumagamit ng shabu sa isang barber shop kasama ng dalawang iba pa sa Anonas St. Ext. kanto ng V. Luna St. Ext., Brgy. Sikatuna, Quezon City. (ALEX MENDOZA)
INARESTO ang dating PBA player na si Paul “Bong” Alvarez sa kasong slight physical injuries ngunit naaktohan gumagamit ng shabu sa isang barber shop kasama ng dalawang iba pa sa Anonas St. Ext. kanto ng V. Luna St. Ext., Brgy. Sikatuna, Quezon City. (ALEX MENDOZA)

ARESTADO ng mga operatiba ng Quezon City Police District – Special Operation Unit (QCPD-DSOU) ang dating Philippine Basketball Association (PBA) player na si Paul “Bong” Alvarez at dalawang kasama nang maaktohan habang bumabatak ng shabu sa isang barber shop sa Quezon City, kamakalawa ng gabi.

Sa ulat kay QCPD director, C/Supt. Guillermo Lorenzo T. Eleazar, bukod sa arestadong si Alvarez, 49, ng 1109 Isabel de Valenzuela, Brgy. Marulas, Valenzuela City, dinakip din sina Mohammad Dana, 29, ng 14- E Maamo St., Sikatuna Village, Quezon City, at Rey Allan Cruz Acosta, 36, ng 003 Anonas Ext. corner V. Luna St., Sikatuna Village, ng nasabi ring lungsod.

Ayon kay Supt. Ro-garth Campo, hepe ng DSOU, dakong 8:30 pm kamakalawa nang madakip ang tatlo ng kanyang mga tauhan sa “Friend Estima” barber shop sa Sikatuna Village.

Napag-alaman, nagtungo sa lugar ang mga awtoridad upang isilbi ang warrant of arrest laban kay Alvarez sa kasong physical injuries.

Ang nasabing arrest warrant ay mula sa sala ni Hon. Judge Don Ace Mariano Alagar ng Quezon City Metropolitan Trial Court.

Nang isilbi ang warrant ng DSOU sa pangu-nguna ni Insp. Danilo Songalia laban kay Alvarez sa barber shop, aktong natiyempohan na gumagamit ng shabu ang da-ting basketbolista kasama si Acosta at dating celebrity model na si Mohammad Dana.

Nakapiit ang mga suspek sa detention cell ng DSOU sa QCPD General Headquarters sa Camp Gen. Tomas Kari-ngal.

Nakatakdang kasuhan ang tatlo ng paglabag sa R.A. 9165 o Dangerous Drug Act of 2002. (ALMAR DANGUILAN)

About Almar Danguilan

Check Also

Arrest Posas Handcuff

Gunrunner nasakote sa submachine gun

DINAKIP ng mga operatiba ng  Quezon City Police District (QCPD) ang isang gunrunner makaraang makompiskahan …

Groundbreaking ng Level III regional hospital hudyat ng pag-asa para sa Lagunenses

Groundbreaking ng Level III regional hospital hudyat ng pag-asa para sa Lagunenses

PARA higit na makapagbigay ng kalidad na serbisyong medikal sa mga Lagunenses, sinimulan nang itayo …

DANIEL FERNANDO Bulacan

 Fernando determinadong tuparin ang pangako sa bawas trapiko at ligtas na komunidad

Determinado si Gobernador Daniel R. Fernando na tuparin ang kanyang pangako na bawasan ang trapiko …

4 drug trader tiklo sa Bataan buybust

4 drug trader tiklo sa Bataan buybust

NASAKOTE ng mga ahente ng Philippine Drug Enforcement Agency (PDEA) Bataan Provincial Office ang isang …

Kolektor ng pautang hinoldap sa palengke, binoga ng riding-in-tandem

Kolektor ng pautang hinoldap sa palengke, binoga ng riding-in-tandem

DEAD-ON-THE-SPOT ang isang ginang na sakay ng tricycle matapos holdapin at barilin ng mga lalaking …

Leave a Reply

Your email address will not be published. Required fields are marked *