Lolo binoga sa tagayan
BUMULAGTA ang isang 59-anyos lolo makaraan pagbabarilin ng riding-in-tandem habang nakikipag-tagayan sa Tondo, Maynila, kamakalawa ng gabi.
Kinilala ang biktimang si Dophy Rito, residente sa Linampas St., Dagupan, Tondo, binawian ng buhay habang nilalapatan ng lunas sa Metropolitan Medical Center.
Mabilis na tumakas lulan ng motorsiklo ang dalawang suspek makaraan ang pa-mamaril.
Sa imbestigasyon ni SPO2 John Charles Duran,ng Manila Police District-Homicide Section, dakong 10:45 pm nang maganap ang insidente sa Linampas St.
Iniimbestigahan ng pulis-ya ang insidente.
(BRIAN GEM BILASANO)
