Thursday , January 27 2022

Federer kampeon sa Indian Wells, Kerber, #1 ulit

PINALO ni Roger Federer ang kanyang ika-lawang sunod na kampeonato buhat nang hamigin ang Australian Open nitong Enero nang angkinin ang BNP Paribas Open title sa Indian Wells, California kamakalawa.

Ginapi niya ang kababayan sa Switzerland na si Stan Wawrinka, 6-4, 7-5 upang kolektahin ang kanyang ikalimang titulo sa natu-rang torneo at maging pinakamatandang kam-peon sa Indian Wells sa edad na 35.

Ito na ang ika-90 titulo sa karera ni Federer upang bumuntot sa mga lider sa kasaysa-yan na sina Jimmy Connors at Ivan Lendl.

Inaasahang aakyat mula sa ika-siyam na puwesto sa ATP world rankings si Federer hanggang sa ika-anim na puwesto.

Samantala, naisukbit muli ni German Angelique Kerber ang ta-ngan sa numero unong puwesto ng ATP world rankings sa mga babae mula kay dating lider na si Serena Williams.

Matatandaang inagaw ni Williams ang puwesto mula kay Kerber nang ibulsa ang Australian Open sa simula ng taon, ngunit buhat noon ay hindi na nakalaro pa si Williams dahil sa left knee injury. Hindi sumali ang Amerikana sa Indian Wells at hindi rin makakasama sa Miami Open na sisiklab ngayon.

Naunang inagaw ni Kerber mula kay Williams na humawak ng number 1 puwesto noong nakaraang taon sa rekord na 186 linggo nang iuwi ng Aleman ang US Open.

Tangan ngayon ni Kerber ang tuktok sa 22 kabuuang linggo upang tumabla kay Maria Sharapova, Tracy Austin at Kim Clijsters bilang ika-13 sa pinakahaba sa all-time WTA list samantala hawak pa rin ni Stefi Graf ang pinakamahabang pag-rereyna sa numero unong  rekord na 377 linggo.

(JBU)

About John Bryan Ulanday

Check Also

Mayweather umamin walang babaeng pinakasalan

ISA sa pinakamagaling na boksingero si Floyd Mayweather sa mundo ng boksing sa lahat ng …

Sen. Pimentel Thanksgiving Online Chess Tournament

PABORITO sa laban sina International Master Barlo Nadera ng Mandaue City, International Master Ricardo De …

Terrence Romeo Beatrice Pia White

Terrence Romeo unfair na makaladkad sa kaso ng dating asawang si White

HATAWANni Ed de Leon EWAN kung bakit pinalalabas pang animo blind item ang pagkaka-aresto sa …

Dennis Orcollo

Dennis Orcollo na-deport mula sa US

IPINATAPON ng Estados Unidos ang isa sa pinakamagaling  na manlalaro ng bilyar sa Filipinas na …

EJ Obiena PATAFA

EJ Obiena magsasampa ng kaso sa mga nanira sa kanyang ina

NAGHAHANDA ang legal team ni pole vaulter EJ Obiena para linisin ang kanyang pangalan at …

Leave a Reply