SINABI ni Sen. Panfilo “Ping” Lacson, dapat bigyan ng ikalawang pagkakataon si Philippine National Police (PNP) chief, Director General Ronald “Bato” dela Rosa sa kabila ng mga panawagan na magbitiw sa puwesto.
Ayon kay Lacson, da-ting PNP chief, buo ang tiwala ni Pangulong Rodrigo Duterte kay Dela Rosa, mahalagang bagay aniya lalo sa pagpapatuloy ng kampanya ng pamahalaan kontra ilegal na droga.
Iginiit ng senador, mas gugustuhin niyang bigyan si Dela Rosa ng pagkakataon lalo pa’t sa pagkakakilala niya ay isang “diligent” at “unassuming” official.
Kung makababalik aniya si Dela Rosa sa mga dating gawi noong hindi pa nabibigyan ng mataas na posisyon ay tiyak na makare-recover pa. Giit ni Lacson, ang na-ging problema lamang ay mistulang nalulunod si Dela Rosa ngayon sa atensiyon, dahilan upang makalimutan ang basic values.
