Friday , July 19 2024

Christian Bables, pinagdududahang bading dahil sa husay sa Die Beautiful

GUMAGANAP na isang transgender ang newcomer na si Christian Bables sa 2016 Metro Manila Film Festival (MMFF) entry na Die Beautiful. Sa unang movie niya na I Love You To Death, bading din ang role ni Christian. Pero wala raw kaso sa kanya kung na mag-isip ang ibang manonood na bading siya talaga. Sa halip, flattering daw ito para sa kanya.

“Hindi po, kumbaga parang for me po it’s actually flattering. Kasi, nakakatuwa kung paano yung response po ng tao sa akin, sa pinaghirapan ko as an actor. Kasi, inaral ko po ito and nakakatuwa na at some point, believable yung ginawa ko and naging ayun nga po, sabi ng mga nakapanood, effective po.

“As an actor, nakakaflatter yun, kasi ibig sabihin ay nagbunga yung pinaghirapan mo. So, maraming-maraming salamat po,” pahayag ni Christian nang amin siyang makapanayam.

Ano ang reaction mo na marami ang mga pumupuri sa galing mo rito sa Die Beautiful? “Siyempre po, sobrang overwhelmed. Natutuwa po ako sa mga nababasa ko from the social media world. Actually hindi ko po ine-expect, kasi ako, ginawa ko lang naman po ang job ko as actor. Pero, wala po akong ine-expect na ganito. So, para po akong nagugulat pa sa ngayon. Pero, natutuwa po ako na naa-appreciate ng mga tao iyong hardwork namin ni Paolo.”

Pahabol pa ni Christian, “Kaya po mas lalo ko pa pong gustong mag-aral pa ng mag-aral pa ng acting. Para sa susunod ay magawa ko ulit iyong best ko. Kasi iyon nga, I’m only just as good as my last work, kaya more hard work for me.”

Ano ang masasabi mo kina Direk Jun at Paolo? “As a director sobrang galing niya, makikita naman po yun sa movie kung gaano kaganda yung buong pelikula, na siya yung captain of the ship kumbaga. At bilang director, hinayaan niya akong maging ako eh, hinayaan niya akong i-play yung character base sa point of view ko as an actor, base sa pinagaralan ko as an actor.

“So, sobrang nagpapasalamat ako sa kanya. Lahat ng opportunity ng pag-aalaga, ginawa ni Direk Jun kaya naging maganda rin yung kinalabasan ng project na ito dahil sa kanya, napakahusay niya.

“Kay Paolo naman, bilang co-actor ko sa pelikulang ito, unang-una sa lahat, Paolo is a very good person, napakabuti niyang tao kaya siya blessed. Now I understand kung bakit napaka-blessed niyang tao. Bilang ka-work, siyempre po ako, wala pang pangalan, baguhan lang akong actor, tapos ang role ko ay bestfriend niya… So masasabi ko lang, hindi ako nahirapang kumonek sa kanya, hindi ako nahirapang mag-build ng rapport sa kanya dahil siya mismo pinaramdam niya sa akin na hindi ako left out dahil baguhan ako. Wala siyang ere, hindi mo mararamdaman na, ‘Ah, big star na ito, siya na pala si Paulo.’ Kasi ,hindi niya ipaparamdam iyon sa iyo.

“Sobrang saya niyang kasama, no dull moment. Napakahusay din na aktor kaya hindi rin ako nahirapan na humugot sa kanya, hindi rin ako nahirapan na kumonek sa kanya kumbaga. So hayun, sobrang saludo ako kay Paolo at kay Direk Jun. Napakasuwerte ko po na sila yung naging katrabaho ko sa pelikulang ito, sobrang saya ng puso ko.”

ALAM MO NA! – Nonie V. Nicasio

About Nonie Nicasio

Check Also

Vic Sotto Playtime

Bossing Vic nag-Playtime

SHOWBIZ KONEKni Maricris Valdez Nicasio ANG bongga naman ng isang gaming apps dahil nakuha nila ang …

Sheryl Cruz BF

Sheryl suwerte sa lovelife at career ngayong 2024

MATABILni John Fontanilla MUKHANG natagpuan na nga ni Sheryl Cruz ang lalaking magpapasaya sa kanya at makakasama …

Enchong Dee Piolo Pascual Jericho Rosales Alden Richards Dingdong Dantes

Enchong G sa BL project; wish makatrabaho sina Piolo, Echo, Alden, at Dingdong

MA at PAni Rommel Placente NAKAGAWA na rin naman ng gay role si Enchong Dee sa pelikuang Here …

Titus Low

Videos ni Titus Low pinagkakaguluhan ng mga beki

HATAWANni Ed de Leon NAGMUKHANG laos ang mga bagong BL films at BL internet series …

Barbie Forteza

Barbie dapat mabigyan ng magandang project

HATAWANni Ed de Leon NAGPUNTA kami sa isang malaking mall noong isang araw dahil may …

Leave a Reply

Your email address will not be published. Required fields are marked *