Wednesday , October 5 2022

Bubuo ng Pinoy Boyband Superstar, malalaman na

MAGKAKAALAMAN na sa Sabado at Linggo, Disyembre 10 at 11, kung sino-sino sa natitirang pitong singing heartthrobs ang bubuo sa unang tunay na Pinoy boyband sa nalalapit na pagtatapos ng Pinoy Boyband Superstar.

Lima lamang ang mapipili mula kina Ford, Joao, Mark, Niel, Russell, Tony, at Tristan sa The Grand Reveal na sa huling pagkakataon ay  patutunayan nila ang kani-kanilang sarili sa superstar judges at mga tagahanga. Puno rin ng sorpresa ang finale dahil ilalantad na rito ang pangalan ng mabubuong boyband, at mapakikinggan din sa kauna-unahang pagkakataon ang kanilang first single.

Sa Sabado, hahatiin sa dalawang pares at isang trio ang pitong heartthrobs. Bago matapos ang gabi, mapapangalanan na ang unang miyembrong bubuo sa boyband na makakukuha ng pinakamataas na combined scores mula sa boto ng publiko at boto ng superstar judges na sina Vice Ganda, Sandara Park, Yeng Constantino, at Aga Muhlach.

Ipe-perform naman ng natitirang anim na hopefuls ang kani-kanilang do-or-die songs sa Linggo. Mula muli sa mga boto ng publiko at judges, kukunin ang apat na miyembro na kukompleto sa boyband.

Ang limang mananalo sa Pinoy Boyband Superstar ay isa-isang makatatanggap ng exclusive contracts sa Star Magic, recording contracts sa One Music, Yamaha motorcycles, at P5-M cash.

Tutukan ang two-day finale at iboto ang inyong mga kanya-kanyang paborito sa pamamagitan ng text at o online via Google. Para bumoto, i-text ang BB (space) PANGALAN NG CONTESTANT at ipadala sa 2366. Isang boto lang ang tatanggapin bawat SIM card. Para naman bumoto online, i-Google ang “PBS VOTE” at pindutin ang unang link na lalabas. I-click ang larawan ng iboboto mong grand finalist at pindutin ang “submit vote” na button. Isa vote kada Google/Gmail account lang ang tatanggapin. Hintayin lamang ang hudyat ng host na si Billy Crawford sa Sabado at Linggo bago bumoto.

SHOWBIZ KONEK – Maricris Valdez Nicasio

About Maricris Valdez Nicasio

Check Also

Barbie Imperial

Barbie sa netizens: Bakit ako naging malandi? ‘Hindi ako laspag?

MA at PAni Rommel Placente SINAGOT ni Barbie Imperial ang mean comments sa kanya ng ilang netizens, …

Anthony Taberna Ka Tunying's Cafe

Resto ni Ka Tunying ipinabo-boykot din

I-FLEXni Jun Nardo PINASALAMATAN  at humingi ng paumanhin ang broadcaster na si Anthony Taberna o mas kilala …

Mariel Padilla Robin Padilla

Robin ligtas na, operasyon sa puso matagumpay  

I-FLEXni Jun Nardo LIGTAS na si Senator Robin Padilla. Isinugod sa ospital ang aktor-senador dahil sa …

Blind Item, Men

Audition ni male star sa movie company pinaghubo’t hubad

ni Ed de Leon WALANG nagawa ang isang baguhang male star. Pinapunta siya sa office ng …

Mike Tan

Mike Tan gradweyt na ng BS Psychology  

HATAWANni Ed de Leon TALAGANG kung magsisikap, matutupad ang pangarap. Tingnan ninyo ang actor na …

Leave a Reply