CAGAYAN DE ORO CITY – Arestado ang dalawang tinaguriang big time drug suppliers sa inilunsad na anti-drug buy-bust operation sa South Poblacion, Maramag, Bukidinon kamakalawa.
Kinilala ni Bukidnon Provincial Police Office spokesperson, Senior Insp. Danielo Bellezas ang mga suspek na sina Abdul Kato at Raymund Mundo, pawang residente sa nabanggit na lugar.
Nakuha mula sa mga suspek ang ilang gramo ng suspected shabu kasama ang P6,000 marked money.
Nakompiska rin mula sa mga suspek ang malaking pack na mayroong suspected shabu na tinatayang P440,000 ang halaga. Natukoy sa imbestigasyon na sila ang nangungunang taga-suplay ng droga sa south area ng Bukidnon Province.
