Friday , March 1 2024

4 patay, 6K homeless sa 2 sunog (Sa Mandaluyong at QC)

111516_front
TATLO katao, kabilang ang isang sanggol, ang namatay at mahigit 6,000 katao ang nawalan ng bahay sa pitong oras na sunog sa Mandaluyong City, habang isang 7-anyos batang lalaki ang binawian ng buhay nang masunog ang kanilang bahay  sa Brgy. Tagumpay, Quezon City nitong Linggo ng gabi.

Ayon sa Bureau of Fire, mahigit 500 bahay ang natupok sa sunog na nagsimula dakong 7:48 pm sa Block 35, Brgy. Addition Hills sa lungsod ng Mandaluyong.

Umabot ang sunog sa general alarm dahil sa pagkalat ng apoy sa Brgy. San Jose. Idineklarang under control ang sunog dakong 12:31 am at ganap na naapula dakong 3:24 am kahapon.

Ayon sa mga residente, kinilala ang mga namatay na sina Rolly Ochondra, Wilma Laurino at isang sanggol.

Napag-alaman sa kaibigan ni Ochondra na si Jayson Delpanos, ang biktima ay nakoryente habang sinisikap na apulahin ang apoy.

Habang si Laurino, isang autistic, ay naiwan ng kanyang pamilya habang nasusunog ang kanilang bahay.

Samantala, natagpuan ng isang medic ang isang patay na sanggol.

Sa kabilang dako, sa ulat ni Quezon City Fire Marshal Sr. Supt. Manuel Manuel, ang biktimang kinilalang si John Paul Villamor, 7-anyos, ay halos hindi na makilala nang matagpuan sa natupok nilang bahay sa 2-B P.Tuazon St., Brgy. Tagumpay.

Ayon sa ulat, nagsimula ang sunog sa bahay ng isang Roldan Bolano dakong 5:30 pm at mabilis na kumalat ang apoy sa ibang bahay kabilang ang tinitirahan ng pamilya Villamor habang natutulog ang biktima.

ni ALMAR DANGUILAN

About Almar Danguilan

Check Also

SM Foundation farmer 1

From passion to prosperity
SM Foundation farmer-beneficiary now an agripreneur, draws inspiration from Henry Sy, Sr.

KSK alumna Virgie with some of her mushroom chicharon products Gone are the days when …

April Aguilar Brgy Pilar Las Piñas

VM Aguilar pinangunahan ang pagtulong sa mga nasunugan sa Brgy. Pilar

PINANGUNAHAN ni Las Piñas City Vice Mayor April Aguilar ang pamamahagi ng tulong sa mga …

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

UPANG panumbalikin ang mga bakawan sa mga baybaying barangay ng lalawigan, nakipagkaisa ang Pamahalaang Panlalawigan …

Wanted na mga criminal, drug dealer sa Bulacan kinalawit

Wanted na mga criminal, drug dealer sa Bulacan kinalawit

NAGSAGAWA ng matagumpay na operasyon ang pulisya ng Bulacan kamakalawa, na nagresulta sa pagkaaresto ng …

Andre Perez Dizon

PBGen Dizon pinarangalan ng PNP NHQ (sa epektibong pamumuno sa hanay ng Kasurog Cops PRO5)

GINAWARAN ng “Medalya ng Katangitanging Gawa si Police Regional Office 5 Director PBGen Andre Perez …

Leave a Reply

Your email address will not be published. Required fields are marked *