HATAW! D'yaryo ng Bayan hatawtabloid.com
BELIEVE it or not, ni minsan ay hindi raw gumamit ng droga ang mahusay na aktor na si Jay Manalo. Pero may mga insidente raw na may mga nag/aalok sa kanya na gumamit ng ipinagbabawal na gamot.
Ani Jay sa presscon ng Celebrity Christmas Bazaar na proyekto ng magkaibigang Nadia Montenegro at Arlene Muhlach (na ang beneficiary ay ang Damay Kamay na gaganapin sa Nov . 13 – 14 at Dec. 3-4 sa BF Homes Phase 1 Gym Pilar Banzon St. Paranaque City) na kahit ang pagsisigarilyo ay late na n’ya natutuhan.
“May nag-alok sa akin, marijuana lang naman.
“Sabi ko, ‘Hindi, nagyoyosi na ako, baka mamaya ubuhin na ako.’
“‘Yung hindi mo siya tatanggihan na sasama ang loob niya.”
Handa ring magpa-drug test si Jay para patotohanan na hindi siya gumamit ng ipinagbabawal na gamot.
“Anytime, anywhere, any place, willing ako,” sambit niya.
Sa mga nag-iisip na gumagamit siya ng drugs, ito ang masasabi ni Jay:
“Hindi ko kailangang magpaliwanag sa buong mundo, sa buong Pilipinas, na never akong gumamit ng drugs.
“Bahala kayo kung anong isipin ninyo, basta ako mas kilala ko ang sarili ko.”
MATABIL – John Fontanilla
