LIMANG hinihinalang mga drug pusher ang namatay habang naaresto ang isa sa isinagawang buy-bust operation na humantong sa enkwentro sa Port Area, Maynila kahapon ng umaga.
Kinilala ang naaresto na si alyas Ronnie habang inaalam pa ang pagkakilanlan ng limang napatay sa insidente.
Sa imbestigasyon ni SPO3 Jonathan Bautista ng Manila Police District (MPD)-Crime Against Persons Investigation Section (CAPIS), nabatid na dakong 9:20 am nang ikasa ng mga tauhan ng MPD-Station 5 (Ermita) ang buy-bust operation laban kay alyas Ronnie sa pagitan ng 11th at 12th Street sa Vargas Compound, Port Area, sakop ng Brgy. 650.
Naaresto ng mga pulis si alyas Ronnie ngunit lumaban ang limang mga suspek na nagresulta sa kanilang pagkamatay.
( LEONARD BASILIO )
