HATAW! D'yaryo ng Bayan hatawtabloid.com
ARESTADO sa mga awtoridad ang isang 50-anyos lalaki makaraan halayin ang limang anak na babae ng kanyang kinakasama sa Pagadian City.
Nitong Miyerkoles nang matuklasan ang pang-aabuso ng suspek sa mga biktima nang magsumbong sa guro ang isa sa kanila.
Paglalahad ng biktimang 12-anyos, paulit-ulit siyang ginahasa ng amain sa loob ng apat na buwan, at ang pinakahuli ay nitong nakaraang linggo.
Agad nagsumbong ang guro sa mga awtoridad at doon natuklasan na ma-ging ang tatlong ate ng dalagita, at ang isang taon gulang nilang bunso, ay pinagsamantalahan din ng kanilang amain.
Ayon sa mga biktima, matagal nang alam ng kanilang ina ang ginagawang kahalayan sa kanila ng suspek ngunit walang ginawang hakbang ang ginang.
Nang maaresto, inamin ng suspek na ginahasa niya ang nagsumbong na 12-anyos na biktima dahil sa galit niya sa magkakapatid.
Ngunit itinanggi na pinagsamantalahan niya ang apat pang kapatid ng biktima.
