TATLONG hinihinalang tulak ng shabu ang napatay makaraan lumaban sa mga operatiba ng Quezon City Police District sa Novaliches, Quezon City kamakalawa.
Sa ulat ni Supt. April Mark Young, hepe ng Novaliches Police Station 4, kay QCPD director, Sr. Supt. Guillermo Lorenzo T. Eleazar, ang napatay ay sina Anthony Pelicano, Roberto Saragoza at Edgar Enim, pawang nasa hustong gulang at mga residente ng Magdalena St., Brgy. Sta. Monica, Novaliches.
Ayon kay PO3 Randy Flores, PS-4 desk officer, dakong 10:00 pm kamakalawa nang maganap ang enkuwentro sa hideout ng mga suspek sa Luke St., Brgy. Bagbag, Novaliches.
( ALMAR DANGUILAN )
