3 drug suspect itinumba ng vigilante

PATAY ang tatlong hinihinalang sangkot sa ilegal na droga, kabilang ang isang misis, makaraan pagbabarilin ng pinaniniwalaang mga miyembro ng vigilante group sa Caloocan City kahapon ng madaling-araw.

Ayon kay Senior Supt. Johnson Almazan,hepe ng Caloocan City Police, dakong 2:00 am nagpapahinga sa loob ng kanilang bahay sa 1939 Molave St., Bagbaguin si Josefina Buenaventura, alyas Mamita, 57, nang pasukin ng dalawang suspek na naka-bonnet at face mask at siya ay pinagbabaril.

Nauna rito, dakong 1:00 am natutulog sa loob ng kanyang bahay sa De Gracia Drive, Brgy. 168, Deparo si Anthony Antang, alyas Kulot at Burnok, 36, at kaibigan niyang si Serapio Rosete, alyas Pong-Pong, 49, ng Canero, Deparo, nang pasukin ng dalawang armadong lalaki at sila ay pinagbabaril.

( ROMMEL SALES )