HATAW! D'yaryo ng Bayan hatawtabloid.com
KUNG si Kris Aquino ay balitang magkakaroon ng show sa GMA 7, si Kris Bernal naman ang napapabalitang gustong mag-ober da bakod sa ABS-CBN 2.
Hindi na kami nagulat nang pumutok sa dyaryo ang planong pakikipag-meeting umano ni Bernal sa ABS-CBN 2 at sa Viva Artists Agency.
August pa lang ay blind item na namin ‘yan. Noon pa ay natunugan na namin ang plano niya. Sakto kasi na narinig ng aming source ang usapan sa cell ni Kris at ang taong tutulong sa kanya para mag-ober da bakod.
Pinag-uusapan ngayon na nakita siyang nakipag-meeting sa ABS-CBN at sa VAA.
Kung totoo na lilipat siya, aba’y mukhang mauunahan pa niya ang dating ka-loveteam na si Aljur Abrenica na nagrebelde noon at gustong umalis sa network, huh!
Nabanggit na namin ito sa may kaugnayan sa GMA Artists noong August pero ang sagot ay may kontrata pa sa kanila si Kris. At hanggang ngayon, hindi pa rin expired ang kontrata niya sa GMAAC pero ang network contract niya ay tapos na raw.
May mga katanungan ngayon kung hindi na ba happy si Kris sa Kapuso? Nagpapataas ba siya ng presyo? Magaganda naman ‘yung mga lead role na napupunta sa kanya, huh! Bagamat marunong siyang umarte, may puwang ba siya sa Kapamilya Network na nagsisiksikan na ang mga magagaling na artista?
Boom!
ni ROLDAN CASTRO
