Mahusay na actor, mistulang may sakit kung iwasan ng mapeperang kaibigan

KULANG na lang pala ay pindutan ng cellphone ng isang kilalang politician outside Metro Manila ang isang mahusay na actor bilang pag-iwas na kausapin ito.

Ang dahilan: nakakahalata na raw kasi ang politiko na ginagawa na siyang palabigasan ng aktor na naging malapit sa kanya. Palautang kasi ang nasabing actor na sana man lang daw ay dinadala sa mga makabuluhang bagay.

Nabisto kasi ng madalas utangang politiko na talamak pa rin pala ang bisyong pagsusugal ng aktor. Himutok ng tagapagsalita ng politiko sa amin, “Sa totoo lang, basang-basa na ang papel ni (pangalan ng aktor)!  Maiintindihan ko pa kung libangan lang niya ‘yung pagka-casino niya, kaso ginawa na yata niya ‘yung daily routine. At ang nakakaloka, maano ba namang magtrabaho na lang siya para mayroon siyang pera at hindi ‘yung kung sino-sino ang kinakalampag niya para utangan ng pera, ipansusugal lang pala niya!”

Ang ending: mistulang may nakahahawang sakit daw ang aktor na iniiwasan na ng kanyang mga maperang kaibigan.

Da who ang aktor na itey? Isyogo na lang natin siya sa alyas na Panfilo Salamangkero.

( Ronnie Carrasco III )