ILOILO CITY – Patay ang isang ama makaraan masagasaan ng 10-wheeler truck sa Aglalana, Passi City kamakalawa.
Ayon kay Supt. Ruby Gumban, hepe ng Passi City Police Station, hinihintay ng biktimang si Manolo Murillo ang kanyang anak sa harap ng Aglalana Elementary School nang mangyari ng insidente.
Bukod sa namatay na biktima, inararo rin ng truck na minamaneho ni Carlo Pampag, 40, ng Negros Occidental, ang apat na motorsiklo na nakaparada sa labas ng paaralan. Sa imbestigasyon ng mga awtoridad, nawalan ng preno ang truck.
