Thursday , June 13 2024
Two business men shaking hands

Pribatisasyon ng gov’t hospital ikakansela

KAKANSELAHIN ng Malacañang ang lahat ng kontratang pinasok ng administrasyong Aquino na magsaspribado sa mga pampublikong pagamutan sa buong bansa.

Sinabi ng isang mataas na opisyal ng Palasyo, paninindigan ng gobyernong Duterte ang pagkakaloob ng serbisyong pangkalusugan sa mga mamamayan.

Mantsado aniya ng kaipokritohan ang administrasyong Aquino na ipinangalandakan ang slogan na nagsilbi sila sa “laylayan ng lipunan” o ang pinakamahihirap na Filipino ngunit pinagkaitan sila nang libreng serbisyong medikal.

Sa panahon ni dating Pangulong Benigno Aquino III ay pinahintulutan niya ang pagsasapribado ng 20 pagamutan  na nasa pangangasiwa ng Department of Health (DoH) sa ilalim ng public-private partnership program (PPP).

Kabilang sa ipinasok sa PPP projects ang mga kontrata ng Philippine Orthopedic Center na nagkakahalaga ng P5.6 bilyon, ang P305 milyong modernization ng Cagayan Valley Medical Center, ang P696 milyon modernisasyon ng Cotabato Regional Health Center at ng East Avenue Medical Center.

Ipinasalang din ni Aquino sa bidding ang siyam na regional cancer centers sa P75 milyon kada isa; health information management systems, integrated drug testing systems, Philippine Blood Disease and Transfusion Center, National Center for Geriatric Health at picture archiving and communication system.

Noong Mayo 2014, kinompirma ni noo’y Communications Secretary Hermino Coloma Jr., na kasama sa isasailalim sa PPP ang Jose Fabella Memorial Hospital na kinokontra ng iba’t ibang grupo ng kababaihan at health workers dahil mawawalan anila ng oportunidad na makapagpagamot ang mahihirap dahil tiyak na tataas ang mga bayarin sa ospital kapag napunta na sa kamay ng pribadong negosyante.

Kamakaila’y umugong sa Palasyo na ang pakay nang pagpunta ng mag-asawang Manila Mayor Joseph “Erap” Estrada at Dra Loi Ejercito ay upang himukin si Pangulong Duterte na payagan ang paglilipat ng Fabella Hospital, isang maternal at tertiary hospital, sa compound ng DoH sa Sta. Cruz, Maynila.

Nabatid na ang Fabella Hospital, ang Manila City Jail at Central Market ay nasa lupaing pagmamay-ari ng Housing and Urban Development Coordinating Council (HUDCC) at napabalitang ibinenta umano ni Erap noong si dating Vice President Jejomar Binay pa ang housing czar.

Noong 2015 ay kinilala ng World Health Organization ang Fabella Hospital “as a role model of the World Health Organization-Western Pacific Region Office for its essential newborn care programs, which have been proven to reduce infant morbidity and mortality.”

Sa isang kalatas noong Sabado, hinimok ng Alliance of Health Workers si Duterte na igiit ang kanyang political will upang matupad ang hangarin ng pangkaraniwang Filipino na magkaroon nang libre, komprehensibo at progresibong heath care.

“The Philippine government can follow Cuba’s example of resisting privatization and establishing an integrated national health system that is strongly public and shouldered by government through our taxes,” ayon sa AHW.

( ROSE NOVENARIO )

About Rose Novenario

Check Also

Migz Zubiri Pope Francis

Pope Francis binulungan si Migz: Protektahan ang pamilyang Filipino

“PINAKIUSAPAN ako ni Pope Francis to ‘protect the family,’ at isasapuso ko ang sinabi niyang …

Imelda Papin PCSO

Imelda Papin kompiyansang maraming matutulungan sa kanyang Isang Linggong Serbisyo

SHOWBIZ KONEKni Maricris Valdez Nicasio KAHAPON ang unang araw ng OPM icon at Jukebox Queen Imelda …

shabu drug arrest

Tulak timbog sa Navotas buybust ops

ARESTADO ang isang lalaki na sinabing sangkot sa pagtutulak ng ilegal na droga matapos kumagat …

Pastor Quiboloy

Warrant of arrest isinilbi vs Quiboloy, 5 iba pa

NAGTUNGO ang Philippine National Police-Criminal Investigation and Detection Group (PNP-CIDG) at Special Action Force (SAF) …

Bagong Pilipinas Hymn

Hymn at pledge ng Bagong Pilipinas pang-Executive lang — SP Escudero

TAHASANG sinabi ni Senate President Francis “Chiz” Escudero na hindi maaring ipilit sa senado, sa …

Leave a Reply

Your email address will not be published. Required fields are marked *