NAARESTO ang isang motorcycle rider ng Metro Manila Development Authority (MMDA) at isa pa sa buy-bust operation ng Quezon City Police District (QCPD) Masambong Police station 2 kahapon ng madaling araw.
Sa ulat kay QCPD director, Sr. Supt. Guillermo Lorenzo T. Eleazar, kinilala ang mga suspek na sina Dexter Lucas, 43, MMDA motorcycle rider, residente ng 77 Santan St., Pinkian, Brgy. Pasong Tamo, Quezon City, at Jose Cua, 66, ng Brgy. Balingasa, Balintawak, ng nasabi ring lungsod.
Napag-alaman, dakong 4:00 am nang maaresto ang mga suspek makaraan bentahan ng shabu ang isang pulis na nagpanggap na buyer sa EDSA, Muñoz, Brgy. Veterans.
( ALMAR DANGUILAN )
