ARESTADO ang isang mag-asawa at isa pang lalaki na pawang hinihinalang mga drug pusher, makaraan makompiskahan ng hindi pa batid na dami ng shabu sa drug buy-bust operation kamakalawa ng gabi sa Caloocan City.
Kinilala ni District Anti-Illegal Drugs Special Operation Task Group (DAID-SOTG) Supt. Edgardo Cariaso ang mga nadakip na sina Arnel Diño, 35, ng A-1, Reparo St., Brgy. 82, Morning Breeze Subd., Joel Usop, 30, at asawa niyang si Fatima Usop, 28, kapwa ng Gen. Pio Valenzuela St., ng nasabing lungsod, pawang nahaharap sa kasong paglabag sa RA 9165.
Sa imbestigasyon ni SPO2 Fidel Cabinta, dakong 10:00 pm, naaresto ang mga suspek sa isinagawang buy-bust operation ng mga tauhan ng ng DAID-SOTG sa Paz St., Brgy. 83 ng nabanggit na lugar.
( ROMMEL SALES )
