PATAY ang dalawang lalaki habang natimbog ang isa sa inilatag na buy-bust operation ng mga tauhan ng Manila Police District sa Binondo, Maynila kamakalawa.
Agad binawian ng buhay ang suspek na si Abner Nasi, 41, barangay tanod, residente ng 417 Juan de Moriones St., Binondo, habang hindi pa nakikilala ang isa pang suspek.
Samantala, arestado ang isang nagngangalang Janneth Ramos , 27, live-in partner ni Nasi, residente rin sa nasabing lugar.
Ayon sa imbestigasyon ni SPO1 Joseph Kabigting na isinumite kay Senior Insp. Rommel Anicete , hepe ng MPD-Crime Against Persons Investigation Section, bandang 2:00 pm, lumaban ang mga suspek sa ikinasang buy-bust operation ng mga awtoridad na nagresulta sa kanilang pagkamatay.
( LEONARD BASILIO )
