Friday , April 12 2024
Bulabugin ni Jerry Yap
Bulabugin ni Jerry Yap

May kakasuhan si Congw. Rosanna Vergara sa Immigration?

MUKHANG nahaharap daw sa asunto ang ilang personalidad sa Legal Division ng Bureau of Immigration (BI) matapos mag-file ng complaint sa DOJ at Ombudsman ang nanalong Congresswoman ng 3rd District of Nueva Ecija na si Rosanna “Ria” Vergara.

Bago raw ang huling eleksiyon ay kumuha ng certification of dual citizenship (9225) sa BI ang isang supporter ng kalaban ni Congresswoman elect Ria Vergara.

Dahil sa hindi malamang dahilan ay nag-issue ang Legal Division ng certification na wala raw kaukulang dual citizenship ang nanalong mambabatas.

070516 immigration

Pero sa kasamaang palad, nakaligtaan yata nilang i-verify sa Philippine consulate abroad ang status ni Cong. Vergara na roon pala nai-file at na-grant ang dual citizenship!

Paktay kang bata ka!

At ngayong nanalo nga ang nasabing congresswoman, siya naman ang reresbak sa ilang mga taga-Legal na gustong manlaglag sa kanya.

Inangkupo!!!

Daig n’yo ang kumuha ng batong ipinukpok sa ulo ninyo!

Ang tanong, kanino dapat isisi ang palpak-to-the-max na problemang ito?

Matatandaan, sa opisina ng 9225 nabulilyaso ang isang abogago este abogado na nagtangkang magpalusot ng dual citizenship para sa isang Syrian citizen na si Nade Briek.

Dahil sa eskandalong ito ay napaaga ang pagtsugi noon kay ex-Commissioner Ricardo David Dayunyor.

Sa kasalukuyang administrasyon dapat siguro na huwag ipagwalang-bahala ang isang ‘maliit na opisina’ gaya ng 9225 dahil noon pa man ay napakarami na umanong hokus pokus na nangyayari riyan?!

Huwag ninyon ismolin dahil may kasabihan, maliit lang ang puwedeng makapuwing!

MAY HAPPY AT UMIIYAK
NA PUNERARYA!

070316 dead

MARAMING natuwa sa bumababang crime rate mula nang umpisahan ng duterte administration ang kampanya laban sa ilegal na droga.

Hindi maiiwasan na may buhay na nalalagas sa hanay ng mga pusher at addict sa tindi ng anti-illegal drug operation ng ating pulisya.

Isa sa happy sa kanilang negosyo ngayon siyempre, ang mga punerarya.

E mantakin naman n’yo, walang puknat ang mga bangkay ng mga umano’y tulak at adik tuwing gabi sa Metro Manila.

Pero may mga punerarya rin na umiiyak sa kanilang negosyo ngayon.

Bakit kan’yo!?

Wala kasing pamilya na tumutubos sa bangkay o walang pantubos ang pamilya sa punerarya.

May pusher pala na walang pera!?

Talo raw sila kaagad dahil awtomatik na magbibigay sila ng porsiyento sa pulis sa distritong nakasasakop sa lugar kung saan nakuha ang bangkay.

Paano kung walang tumubos at nakatengga lang ang bangkay!?

Lugi negosyo!

Wala rin daw maasahan na tulong ang pamilya sa kanilang barangay chairman para sa maayos na burol at libing.

Ang iba namang barangay chairman ay may raket din dahil may sarili silang kontak na punerarya na nagbibigay ng konsomisyon ‘este komisyon sa kanila.

Saan ngayon lulugar ang mga punerarya!?

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN – Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sipat Mat Vicencio

Mayor Abby Binay pasok sa ‘Magic 12’ ng Pulse Asia, hahaha…

SIPATni Mat Vicencio SINO ba naman ang maniniwala sa ginawang survey ng Pulse Asia kamakailan …

Dragon Lady Amor Virata

Ikot-ikot na para sa 2025 local elections

Isumbong mokay DRAGON LADYni Amor Virata IBA’T IBANG pakulo o propaganda na ang sinisimulan ng …

AKSYON AGAD ni Almar Danguilan

QCPD nakapagtala ng 82.61% Crime Solution Efficiency sa nagdaang Semana Santa

AKSYON AGADni Almar Danguilan SADYANG hindi maiwasan na saluduhan ang Philippine National Police (PNP) sa …

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

Leave a Reply

Your email address will not be published. Required fields are marked *