Monday , December 5 2022

Sister ng aktres itinumba sa droga (Drug pusher ng celebrities?)

091216_front

PATAY ang kapatid ng aktres na si Maritoni Fernandez makaraang pagbabarilin nitong Linggo nang umaga dahil sa sinasabing pagtutulak ng ilegal na droga sa mga artista.

Natagpuan ang bangkay ng biktimang si Maria Aurora Moynihan sa kanto ng Temple Drive at Giraffe St., sa Brgy. Ugong Norte, Quezon City.

Katabi niya ang isang karatulang nagsasabing, “Drug pusher ng mga celebrities, kasunod na kayo.”

Ayon sa ilang saksi, nakita nila ang isang sports utility vehicle na tumigil sa crime scene pasado 1:00 am.

Makaraan ang ilang minuto, narinig nila ang magkakasunod na putok ng baril at nakita ang pagharurot palayo ng sasakyang hindi nila naplakahan.

Nakuha ang ilang pakete ng hinihinalang shabu at mga drug paraphernalia sa gamit ng biktima.

Ayon kay Quezon City police chief, Guillermo Eleazar, suspek si Moynihan bilang supplier ng ecstasy at iba pang party drugs sa mga artista sa entertainment industry.

Patuloy pang inaalam ng mga awtoridad ang pagkakilanlan ng mga suspek na pumatay kay Moynihan. (HNT)

2 SA DRUG WATCHLIST NG QCPD UTAS SA ‘GALUGAD’

DALAWANG lalaking hinihinalang sangkot sa ilegal na droga ang napatay makaraan makipagbarilan sa mga operatiba ng Quezon City Police District (QCPD) sa ipinatupad na “Oplan Galugad” kahapon ng hapon sa nabanggit na lungsod.

Sa ulat kay QCPD director, Sr. Supt. Guillermo Lorenzo T. Eleazar, mula sa Masambong Police Station 2, kinilala ang isang napatay na si Virgilio de Chavez alyas Elyong, habang ang pangalawa ay patuloy pang inaalam ng pulisya ang pagkakilanlan.

Napag-alaman, napatay ng mga pulis ang mga suspek nang lumaban sa ipinatupad na “Oplan Galugad” sa Ilagan St., Brgy Paltok, Quezon City dakong 2:30 pm kahapon.

Samantala, naaresto sa nasabing operasyon ang 12 katao na sinabing sangkot sa ilegal na droga, kabilang ang dalawang menor de edad. ( ALMAR DANGUILAN )

2 PATAY, 4 ARESTADO SA DRUG OPS SA MAYNILA

PATAY ang dalawang lalaki makaraan barilin ng mga pulis nang lumaban sa magkasunod na buy-bust operations sa magkahiwalay na lugar sa Maynila.

Kinilala ang mga napatay na sina Reynaldo Razon Jr., 39, jobless, residente ng 1447 Juan Luna St., Tondo, Maynila, at Eduardo Salanova, tinatayang 35-40 anyos, residente ng Gonzales St., Pandacan, Maynila.

Batay sa ulat ni PO3 Marlon San Pedro, ng Manila Police District (MPD)-Crimes Against Persons Investigation Section (CAPIS), unang napatay ng mga pulis si Razon dakong 10:25 pm sa buy-bust operations ng mga pulis sa kanyang bahay.

Habang naaresto sa operasyon ang iba ang mga suspek na sina Ma. Teresa Joy Ramirez, 19; Mark Dizon, 21; Marlon Gonzales, 42; at Romeo Malunes, 46, naaktohan habang nagsasagawa ng pot session.

Samantala, makalipas ang limang minuto ay napatay ng mga pulis sa isa pang buy-bust operation ang suspek na si Salanova, sa Interior 6, Gonzales St., sa Pandacan. (LEONARD BASILIO)

DRUG SUSPECT PATAY SA VIGILANTE GROUP

HINIHINALANG pinatay ng mga miyembro ng vigilante group ang isang lalaking sinasabing sangkot sa droga, sa Caloocan City kamakalawa ng gabi.

Kinilala ang biktimang si Berdado Veliganio, 37, ng Block 2D, Lot 27, Phase 3, E1, Brgy. 14 ng nasabing lungsod.

Sa imbestigasyon ni PO3 Edgar Manapat, dakong 8:30 pm habang nakatambay ang biktima sa Paros Alley, Block 2 malapit sa Langaray Market, Brgy. 14 nang dumating ang mga suspek at siya ay pinagbabaril.

Natagpuan ng mga pulis sa pinangyarihan ng insidente ang isang basyo ng bala ng hindi pa mabatid na kalibre ng baril at isang plastic sachet ng shabu. ( ROMMEL SALES )

About hataw tabloid

Check Also

Bongbong Marcos Santa Claus Malacañang

FM Jr., nag-Santa Claus sa 600 bata sa Malacañang

MAY 600 batang nakatira sa mga komunidad sa paligid ng Malacañang complex sa San Miguel, …

Consumer Act

Ngayong Christmas rush
PROTEKSIYON PABOR SA MGA MAMIMILI NAIS PAIGTINGIN

SA GITNA ng biglaang dagsa ng mga mamimili bago sumapit ang Pasko, sinabi ni Senador …

baboy money Department of Agriculture

Suplay ng baboy, sapat para sa Pasko — DA

TINIYAK ni Department of Agriculture (DA) Deputy Spokesperson Rex Estoperez, sapat ang suplay ng baboy …

Bebot na-trap, sa gumuhong building, 2 pa sugatan

Bebot na-trap, sa gumuhong building, 2 pa sugatan 

NA-TRAP ang isang 22-anyos babae habang dalawa ang sugatan matapos gumuho ang isang 4-storey residential …

120522 Hataw Frontpage

Sa Taguig City
2 HS STUDENTS, 4 KAMAG-ANAK INASUNTO VS BOMB THREAT

SINAMPAHAN ng kasong paglabag sa Anti-Terrorism Act ang dalawang high school students at apat na …

Leave a Reply