Tuesday , December 6 2022

Simon Cowell, excited sa pagsisimula ng Pinoy Boyband sa ‘Pinas

MAGSISIMULA na ang paghahanap at pagbuo ng isang tunay na Pinoy boyband na bibihag sa puso ng sambayanan sa pinakabagong talent-reality search ng ABS-CBN, ang Pinoy Boyband Superstar simula bukas, September 10, 7:15 p.m. at tuwing Linggo, 7:00 p.m..

Maging ang creator nitong si Simon Cowell ay excited na rin sa Philippine adaptation ng programang nilikha niya kasama si Ricky Martin, ang La Banda.

Si Simon ang nasa likod ng tagumpay ng One Direction at Westlife, kaya naman siya ang masasabing ‘authority’ pagdating sa pagbuo at pagsikat ng mga boyband.

“I’m so excited ‘La Banda’ is coming to the Philippines. You are going to love ‘Pinoy Boyband Superstar.’ Watch it exclusively on ABS-CBN,” sambit ni Simon bilang pag-iimbita sa Pinoy viewers na abangan at tutukan ito.

Sa Pinoy Boyband Superstar, bibigyang pagkakataon ang mga binatang 14 taong gulang at pataas na may charm at talento sa pagkanta na matupad ang kani-kanilang mga pangarap at mapabilang sa isang five-member boyband.

Mangunguna sa pagbuo at paghatol sa aspiring “ultimate Pinoy boyband” members ang superstar judges na binubuo ng phenomenal box-office superstar na si Vice Ganda, international K-pop sensation Sandara Park, pop-rock superstar Yeng Constantino, at ang original heartthrob Aga Muhlach.

Magsisimula ang boyband journey ng contestants sa kanilang pagharap sa 500 na babaeng fans na kailangang pabilibin at pakiligin sa pamamagitan lamang ng kanilang angking looks, charisma, personality, at iba-iba pang gimik.

Para makapag-audition sa harap ng judges, kailangang makakuha ng 75% o mas mataas pa na mga boto mula sa all-female audience ang isang contestant. Kapag nabigo naman siya, maaari siyang makakuha ng second chance na makapasok mula sa superstar judges kung siya ay nakikitaan ng potensiyal.

Sa pagharap naman ng aspiring heartthrobs sa judges, kailangan nilang magpakitang gilas at galing sa pagkanta. Rito, kailangan nilang makakuha ng tatlo o apat na boto mula sa superstar judges para makalusot sa susunod na round ng kompetisyon.

Pakinggan ang pagsasama-sama ng himig ng aspiring boyband members sa bansa para sa pagtupad ng kanilang mga pangarap sa Pinoy Boyband Superstar, simula ngayong Sabado.

About hataw tabloid

Check Also

Carla Abellana Tom Rodriguez Rey PJ Abellana

PJ at Carla ‘di pa nagkaka-usap  simula nang magkaproblema

COOL JOE!ni Joe Barrameda NAPANOOD namin noong Miyerkoles ng gabi ang magkapatid na PJ Abellana at Jojo Abellana para …

Jane de Leon

Jane na-dengue at nagka-UTI

MA at PAni Rommel Placente HUMINGI ng paumanhin si Jane de Leon sa lahat ng kanyang mga …

Maine Mendoza Arjo Atayde Lola Rose

Maine ipinakilala na ni Arjo kay Lola Rose

MA at PAni Rommel Placente LABIS ang saya at pasasalamat ni Sylvia Sanchez sa kanyang anak na …

Alice Dixson

Alice na-bash nang kinulayan ng honey blonde ang buhok  

MA at PAni Rommel Placente DAHIL sa pagpapakulay ni Alice Dixson ng honey blonde hair, bina-bash siya. …

Paolo Contis Yen Santos

Paolo happy at contented sa piling ni Yen

MA at PAni Rommel Placente SA kanyang Instagram account ay ibinahagi ni Lolit  Solis ang larawan nila ng kanyang …

Leave a Reply