HATAW! D'yaryo ng Bayan hatawtabloid.com
LOLO Ipe! Handog para sa mga lolo at lola ang hatid ng MMK (Maalaala Mo Kaya)sa Sabado, Setyembre 10, sa milyong tagasubaybay nito sa Kapamilya.
At itatampok dito ang premyadong aktor na si Phillip Salvador with Jerome Ponce.
Bilang sina Gilbert at Lolo Ilong, nagbuo sila ng mundo nang iwan si Gilbert ng kanyang ina.
Siga sa lugar nila si Lolo Ilong at takot ang bata at matanda sa kanya. Pero dumating ang panahong ang matikas na katawan ay bumigay na kaya naman hindi matustusan ang pag-aaral ng apo.
Rito naman niya napapansin na nagiging kakaiba ang kilos ni Gilbert na lubhang nagiging malambot na.
Saksihan mula sa siniyasat na istorya nina Benson Logronio at Arah Jell Badayos kung paanong pumasa sa Board Exam as COA si Gilbert. At kasama sa cast na idinirihe ni Elfren Vibar sina JB Agustin, Ella Cruz, Manuel Chua, Eric Nicolas, EJ Jallorina, Josh de Guzman, Lui Manansala, Nico Antonio, Jirianne Montilla, at Dang Cruz.
Panoorin ang regalo ng MMK para sa Grandparents’ Day!
HARDTALK – Pilar Mateo
