Thursday , December 1 2022

Half bro ni Lea, 2 pa tiklo sa 80 ecstacy

ARESTADO ang tatlong hinihinalang tulak ng ecs-tacy party drugs, kabilang ang half-brother ni singer-actress Lea Salonga, sa mga operatiba ng Quezon City Police District (QCPD) na nakompiskahan ng 80 pirasong iba’t ibang klase ng ecstacy na nagkakahalaga ng P120, 000 sa magkakahiwalay na buy-bust operation sa lungsod at Pasig City.

Sa ulat kay QCPD director,  Sr. Supt. Guillermo Lorenzo T. Eleazar, ang nadakip ay kinilalang sina Philip Salonga, 37, ng Freedom Lane, Interville Subd., Tandang Sora; Nathaniel Adrian de Guzman Cruz, 39, residente sa Troy Cmpd., Brgy. Pasong Tamo; at Edward Nelson Jose, 33, residente sa Tongonan St., Brgy. Sauyo, pawang ng Quezon City.

Ayon kay Eleazar, ang tatlo ay nadakip nang pinagsanib na puwersa ng District Special Operation Unit (DSOU) na pinamumunuan ni Supt. Rogarth Campo, at District Anti-Illegal Drugs (DAID) na pinamumunuan ni Supt. Godofredo Tul-O.

Naunang nadakip si Cruz sa isang fastfood sa kanto ng East Avenue at V. Luna St., Brgy. Pinyahan, Quezon City makaraan bentahan ng 51 pirasong ectasy ang pulis na nagpanggap na buyer dakong 6:30 pm nitong Huwebes.

Sa imbestigasyon, itinuro ni Cruz na kinukuha niya ang kanyang supply kay Salonga kaya nagkasa ng buy-bust operation.

Dakong 2:30 am kahapon, nadakip si Salonga sa Reserve Liquor Lounge, City Golf Plaza, Julia Vargas Avenue, Bgry. Ugong, Pasig makaraan bentahan ng 14 pirasong ecstacy ang pulis na nagpanggap na buyer.

Nakuha rin kay Salonga ang tatlong plastic na marijuana.

Dakong 3:00 am, ikinasa ang isa pang operas-yon na nagresulta sa pagkakaaresto kay Jose sa Tandang Sora Avenue, malapit sa Visayas Avenue, Bgry. Pasong Tamo, Quezon City.

( ALMAR DANGUILAN )

About Almar Danguilan

Check Also

Stab saksak dead

18-anyos patay sa rambol ng 2 grupo ng kabataan

DAHIL  sa pambu-bully, patay ang 18-anyos binatilyo habang sugatan ang kanyang kapatid at pinsan, nang …

120122 Hataw Frontpage

Sa Negros Occidental
NDF CONSULTANT, 1 PA, PATAY SA MILITARY OPS

ni Rose Novenario NAPATAY sa operasyon ng militar si National Democratic Front (NDF) consultant Ericson …

illegal fishing with the use of explosives

P2-M gamit muro-ami , ilegal na huling isda nasabat sa Quezon

AABOT sa halos P2-milyong halaga ng mga fishing gear at tools ang nasabat mula sa …

Land Transportation Office LTO

Sa Bulacan
4 LTO ENFORCER HULI SA KOTONG SINIBAK SA PUWESTO

IPINAG-UTOS ni Land Transportation Office (LTO) Chief Jose Arturo “Jay Art” Tugade ang pagsibak sa …

Sugatan sa enkuwentro 2 PULIS BINISITA NINA RD PASIWEN, PD ARNEDO

Sugatan sa enkuwentro
2 PULIS BINISITA NINA RD PASIWEN, PD ARNEDO

MAGKASAMANG binisita nina P/BGen. Cesar Pasiwen, Regional Director ng PRO3 at P/Col. Relly Arnedo, Provincial …

Leave a Reply