SENTRO ng usapan ngayon na si Mark Neumann na ang magiging leading man ni Jennylyn Mercado sa hit Korean drama series My Love From The Star. Siya raw ang ipapalit kay Alden Richards.
Tumatawid na si Mark sa Kapuso Network dahil guest siya sa Karelasyon. Hindi lang klaro sa amin kung may kontrata pa siya sa TV5 o ipahihiram siya.
Actually, bagay si Mark sa nasabing role dahil ang kailangan talaga ay mas bata kay Jennylyn ang makaka-partner niya. Dapat ay ubod ng guwapo yata ang kailangan na leading man gaya ni Mark.
Pero wala pang kompirmasyon kung si Mark talaga dahil ayon sa aming source dumadaan pa rin sa audition. Ongoing pa raw ang paghahanap ng leading man ni Jen hanggang next week. May magaganap pang final screening and pairing. Ang magiging final daw niyan ay ‘pag ipinatawag na si Jennylyn at i-pair siya sa final 3.
Anyway, habang niluluto pa ang serye ng tinaguriang Ultimate Star, host si Jen ng pinakabagong celebrity singing competition na Superstar Duets.
TALBOG – Roldan Castro
