HATAW! D'yaryo ng Bayan hatawtabloid.com
TACLOBAN CITY – Planong gawing drug rehabilitation center ang ilang compound ng mga Espinosa sa Sitio Tinago, Brgy. Benolho, bayan ng Albuera, Leyte.
Ayon kay Chief Insp. Jovie Espinido, nakipagkoordina na siya sa Department of Health-8 para magamit ang lote at mga ari-arian ng mga Espinosa para sa Transformation Program sa drug users at drug pushers na sumuko sa mga awtoridad.
Positibo si Espinido na maaaprubahan ang nasabing plano sa oras na makuha ng gobyerno ang mga ari-arian ng mga Espinosa.
Mismong si Albuera Mayor Rolando Espinosa ay nagbigay ng pagsuporta sa nabanggit na panukala.
Una nang nangako ang kampo ng mga Espinosa para sa pagpatayo ng drug rehabilitation center.
