MEDYO nag-resign na ngayon si Jackie Rice sa pagpapa-sexy bilang respeto sa kanyang karelasyon na non-showbiz guy for seven years. Inamin nitong hanggang ika-anim na puwesto lamang ang naabot niya na nagreyna ang kapwa niya StarStruck na si Jennylyn Mercado.
Inamin niyang nanligaw talaga siya ng mga tagahanga para iboto siya pero hindi siya umabot sa puntong bumibili siya ng text votes.
“Mayroon bang ganoon, wala akong alam. Kung mayroon, wala rin akong pambili dahil mahirap kami, wala nga kaming sariling bahay, he he he,” pag-amin nito.
Sa ngayon, aside sa Bubble Gang, wala nang ibang pinagkakaabalahan si Jackie at kahit nakasama siya noon sa Encantadia ay parang hindi man lang siya na-acknowledge. One thing good with her ay aminado siyang pasaway siya noon kaya usad-pagong ang kanyang karir.
Inamin din niyang hanggang ngayon ay may trauma pa rin siya sa kanyang ginawang ‘social experiment’ na tinarayan nito ang fans na nanood ng kanyang taping. Curious lang daw siya sa magiging reaksiyon ng kanyang ‘pinagsusungitan’ na isang matandang tagahanga pero ang hindi niya alam, nakunan siya ng video habang ginagawa iyon at kumalat sa social media.
( Alex Datu )
